رؤيا 16:18 - كِتاب العَهد الجَّديد مِن الكِتاب المُقَدَّس

¹⁸ و بَعدين حَصَلَت بُروق و أصوات و رُعود و زَلزَلَه كَبيرَه. و ما حَصَلَت زيَها أبَداً مِن وَكِت النّاس كانو عَلى الأرض، زَلزَلَه شَديدَه زي دي.

رؤيا 16:18 Iomraidhean Croise

مَتَّى 24:21

عَشان الضّيق بِكون شَديد خالِص. ما كان في ضيق زي دا مِن وَكِت الله خَلَق الدُّنيا لِغايَة هَسَّع. و ما بِكون في تاني مَرَّه أبَداً.

رؤيا 11:13

و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

رؤيا 11:19

و هيكَل الله الفي السَّما إنفَتَح، و تابوت الإتِّفاق ظَهَر في هيكَل الله. و حَصَل بُروق و أصوات و رُعود و زَلزَلَه و بَرَد تَقيل.

رؤيا 4:5

و مِن الكُرسي مَرَقو بُروق و أصوات و رُعود. و قِدّام الكُرسي سَبعَه لَمبات نار مَوَلَّعَه. و هُم السَّبعَه أرواح الله.

رؤيا 6:12

و شُفتَ لَمّا فَتَح الخِتِم السّادِس. و كانَت في زَلزَلَه كَبيرَه. الشَّمِش بِقَت سودَه زي شَوال أسوَد، و القَمَر كُلّو بِقى زي الدَّم.

رؤيا 8:5

و المَلاك أخَد الحَلَّه و مَلأ مِن نار المَضبَح و رَماها عَلى الأرض. و كانو في رُعود و أصوات و بُروق و زَلزَلَه.