رؤيا 15:4 - كِتاب العَهد الجَّديد مِن الكِتاب المُقَدَّس

⁴ مِنو الما بِخاف إسمَك، يا رَب، و ما بِمَجِّدو؟ عَلَشان إنتَ بَس قُدّوس. و كُل الأُمَم بِجو و يَعبُدو قِدَّامَك، عَشان أحكامَك العادِلَه ظَهَرو.“

رؤيا 15:4 Iomraidhean Croise

رُومِيَه 15:9

عَشان الأُمَم يَمَجِّدو الله فِشان رَحمَتو، زي ما هو مَكتوب: ”بِالسَّبَب دا بَمَجِّدَك في الأُمَم، و بَرَتِّل لِإسمَك.“

١ بُطْرُس 1:16

عَشان مَكتوب: ”كونو قِدِّيسين عَشان أنا قُدّوس.“

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

رؤيا 14:7

و يَقول بِصوت عالي: ”خافو الله و مَجِّدوهو، عَلَشان ساعَة حُكمو جات. أعبُدو خالِق السَّما و الأرض و البَحَر و عُيون المويَه.“

رؤيا 16:5

و سِمِعتَ مَلاك المويَه يَقول: ”إنتَ عادِل في أحكامَك ديل، يا المَوجود و الكان مَوجود، يا قُدّوس.

رؤيا 16:7

و سِمِعتَ صوت مِن المَضبَح يَقول: ”أيوَه، يا رَب الإلَه القادِر عَلى كُلّو شي، أحكامَك حَق و عادِلَه!“

رؤيا 19:2

عَشان أحكامو حَق و عادِلَه. هو دان الزّانيَه العَظيمَه، الخَرَبَت الأرض بِزِناها، و إنتَقَم لِدَم خَدّامينو مِن إيدا.“

رؤيا 19:8

و أدّوها أن تَلبَس تيل لامِع و نَضيف.“ عَشان التّيل هو أعمال البِر بِتاعَت القِدِّسين.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.

رؤيا 4:8

و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“

رؤيا 6:10

و هُم كورَكو بِصوت عالي و قالو: ”يا سَيِّد، القُدّوس و الحَقيقي، لِغايَة مِتين ما تَحكُم و ما تَنتَقِم لِدَمّنا مِن السّاكنين عَلى الأرض؟“