رؤيا 15:3 - كِتاب العَهد الجَّديد مِن الكِتاب المُقَدَّس

³ و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رؤيا 15:3 Iomraidhean Croise

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

عِبرانيين 3:5

و بِالحَق، مُوسَى كان أمين في كُلّو بيت الله زي خَدّام، عَشان يَشهَد لِلحاجات البِقولوها في الوَكِت الجّاي.

رؤيا 1:8

”أنا البِدايَه و النِّهايَه،“ يَقول الله الرَّب، المَوجود و الكان مَوجود و الماشي يَجي، القادِر عَلى كُلّو شي.

رؤيا 11:17

و قالو: ”نَشكُرَك، يا رَب، الإلَه القادِر، المَوجود و الكان مَوجود، عَلَشان إنتَ أخَدتَ قُدرَتَك العَظيمَه و إبتَديت تَملِك.

رؤيا 14:3

و هُم رَتَّلو تَرتيلَه جَديدَه قِدّام الكُرسي و قِدّام الأربَعَه حَيوانات و الشُّيوخ. و ما في واحِد قِدِر يِتعَلَّم التَّرتيلَه إلّا المِيَّه و الأربَعَه و الأربَعين ألف الكانو مُشتَرين مِن الأرض.

رؤيا 14:8

و مَلاك تاني تَبَعو و يَقول: ”وَقَعَت! وَقَعَت بابِل المَدينَه الكَبيرَه، العَمَلَت كُل الأُمَم يَشرَبو مِن خَمر غَضَب زِناها.“

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.

رؤيا 19:2

عَشان أحكامو حَق و عادِلَه. هو دان الزّانيَه العَظيمَه، الخَرَبَت الأرض بِزِناها، و إنتَقَم لِدَم خَدّامينو مِن إيدا.“

رؤيا 4:8

و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“