رؤيا 14:4 - كِتاب العَهد الجَّديد مِن الكِتاب المُقَدَّس

⁴ ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.

رؤيا 14:4 Iomraidhean Croise

مَتَّى 19:12

عَشان في خِصيان مَولودين زي دا مِن بُطون أُمَّهاتُم. و في خِصيان خَصوهُم النّاس. و في خِصيان خَصو نُفوسُم فِشان مَلَكوت السَّما. اليَقدَر يَقبَل دا، خَليهو يَقبَلو.“

مَتَّى 25:1

في الوَكِت دا، مَلَكوت السَّما بِكون زي عَشَرَه بَنات اَخَدو لَمباتُم، و مَشو يَقابِلو العَريس.

مَتَّى 8:19

و مُعَلِّم القانون قَرَّب ليهو و قال: ”يا مُعَلِّم، أنا بَتبَعَك لِأي مَحَل الأنتَ تَمشي ليهو.“

يُوحَنَّا 10:27

خِرفاني بِسمَعو صوتي، و أنا بَعرِفُم. و هُم يَتبَعوني.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 13:37

بُطْرُس قال ليهو: ”يا سَيِّد، عَشان شِنو ما بَقدَر أتبَعَك هَسَّع؟ أنا بَدّي حَياتي فِشانَك.“

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

١ كُورِنْثُوس 16:15

إنتو بِتَعرِفو ناس بيت اسْتِفَانَاس أوَّل ثِمار أَخَائِيَه، و كيف هُم أدّو نُفوسُم لِخِدمَة القِدِّسين. أطلُبو ليكُم، يا أخوان،

١ كُورِنْثُوس 6:20

كُنتو مُشتَرين بِتَمَن. عَلَشان كِدا، مَجِّدو الله في جِسِمكُم.

١ كُورِنْثُوس 7:28

لَكِن إن كان تِتزَوَّج، إنتَ ما تَعمِل خَطيَّه، و إن كان العَذرَاء إتزَوَّجَت، هي ما تَعمِل خَطيَّه. لَكِن المِتزَوِّجين يَكون ليهُم تَعب في الجِّسِم. و أنا عاوِز أحفَظكُم مِن تَعب زي دا.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 5:27

عَشان يَقَدِّما لِنَفسو كَنيسَه مَجيدَه، ما فيها نُقطَه ولّا كَرمَش ولّا أي شي زي دا، و لَكِن تَكون مُقَدَّسَه و بِدون عيب.

١ تِيمُوثَاوُس 4:3

هُم يَمنَعو النّاس مِن العِرِس. و يأمُروم ما ياكلو بَعَض الأكِل. لَكِن الله خَلَقو عَشان المؤمِنين و اليَعرِفو الحَق يَقبَلوهو بِالشُّكر.

عِبرانيين 12:23

و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 21:22

و ما شُفتَ هيكَل فيها، عَشان الرَّب الله القادِر عَلى كُلّو شي و الحَمَل، هُم هَيكَله.

رؤيا 21:23

و المَدينَه ما مُحتاجَه لِلشَّمِس ولّا لِلقَمَر عَشان يَنَوِّرو فيها. عَلَشان مَجد الله بِدّيها نور، و الحَمَل فانوسا.

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.