رؤيا 14:2 - كِتاب العَهد الجَّديد مِن الكِتاب المُقَدَّس

² و سِمِعتَ صوت مِن السَّما زي صوت مويَه كَتيرَه و زي صوت رَعد عَظيم. و الصّوت السِّمِعتو كان زي صوت البِضرُبو عَلى الرَّباب.

رؤيا 14:2 Iomraidhean Croise

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

رؤيا 1:10

و كُنتَ في الرّوح في يوم الرَّب، و سِمِعتَ وَراي صوت عالي زي صوت بوق.

رؤيا 1:15

و كِرعينو زي النَّحاس الأصفَر مَوَلَّع في فُرن، و صوتو زي صوت مويَه كَتيرَه.

رؤيا 11:12

و بَعدين سِمِعو صوت عالي مِن السَّما يَقول ليهُم: ”أطلَعو لِهِنا!“ و طَلَعو لِلسَّما في سَحابَه و عُدوانُم عايَنو ليهُم.

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 18:22

و أصوات النّاس البِضرُبو الرَّبابَه، و البِرَتِّلو، و البِضرُبو الزُّمبارَه و البوق، ما بِسمَعوها فيكي بَعَد دا أبَداً. و شَغّالين مِن أي صُنعا ما بِلقوهُم فيكي بَعَد دا أبَداً. و صوت المِرحَكَه ما بِسمَعوهو فيكي بَعَد دا أبَداً.

رؤيا 5:8

و لَمّا أخَد الكِتاب، الأربَعَه حَيوانات وَقَعو قِدّام الحَمَل، و كِدا الأربَعَه و عِشرين شيخ كَمان. و كُلّو واحِد مِنَّهُم كانَت عِندو رَبابَه و حَلَّه مِن دَهَب، مَليانَه بَخور، و هو صَلَوات القِدِّسين.

رؤيا 6:1

و شُفتَ لَمّا الحَمَل فَتَح واحِد مِن السَّبعَه أختام. و سِمِعتَ واحِد مِن الأربَعَه حَيوانات يَقول بِصوت زي صوت الرَّعد: ”تَعال!“

رؤيا 8:7

و المَلاك الأوَّل ضَرَب بِالبوق، و جا بَرَد و نار مَلَخبَتَه بِدَم، و رَموهُم عَلى الأرض. و تِلت مِن الأرض كُلَّها إنحَرَق، و تِلت الشَّجَر إنحَرَق، و كُلّو قَش أخدَر إنحَرَق.