رؤيا 13:6 - كِتاب العَهد الجَّديد مِن الكِتاب المُقَدَّس

⁶ و هو فَتَح خَشمو بِالتَّجديف عَلى الله و عَلى إسمو و عَلى مَسكَنو، يَعني عَلى السّاكِنين في السَّما.

رؤيا 13:6 Iomraidhean Croise

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

رُومِيَه 3:13

خَشمُم قَبر مَفتوح، و بِغِشّو بِلِساناتُم. سِم دَبايب تِحِت شَفاهُم.

كُولُوسِّي 1:19

عَشان الله كان مَبسوط يَخَلّي كُلّو كَمالو يَعيش في الإبن،

كُولُوسِّي 2:9

عَشان في المَسيح كُلّو كَمال الله يَعيش في شَكل الجِّسِم.

عِبرانيين 9:2

و هُم جَهَّزو الخيمَه، الغُرفَه البَرَّه إسِما، المَحَل القُدّوس. و كان فيهو طَرَبيزَة اللَّمبَه و طَرَبيزَه فوقا عيش التَّقدِمَه.

عِبرانيين 9:24

عَشان المَسيح ما دَخَل لِقُدُس الأقداس المَعمول بِالنّاس، و دا صورَة الحاجات الحَقيقيَه. لَكِن هو دَخَل لِلسَّما عَشان يَظهَر قِدّام وَش الله فِشانّا.

رؤيا 11:12

و بَعدين سِمِعو صوت عالي مِن السَّما يَقول ليهُم: ”أطلَعو لِهِنا!“ و طَلَعو لِلسَّما في سَحابَه و عُدوانُم عايَنو ليهُم.

رؤيا 12:12

عَلَشان كِدا أفرَحو، يا سَمَوات و إنتو السّاكِنين فيها! و مُصيبَه لِلأرض و لِلبَحَر، عَشان إبْلِيس نَزَل ليكُم. و غَضَبو عَظيم، عَلَشانو بِيَعرِف عِندو وَكِت قِصَير!“

رؤيا 15:5

و بَعَد دا، عايَنتَ، و هيكَل خيمَة الشَّهادَه إنفَتَحَت في السَّما.

رؤيا 18:20

أفرَحي بيها، يا سَما! أفرَحو، يا قِدِّيسين و رُسُل و أنبياء! عَشان الله حَكَم عَليها فِشان خاطِركُم.“

رؤيا 21:3

و سِمِعتَ صوت عالي مِن الكُرسي يَقول: ”شوف! مَسكَن الله مَعَ النّاس، و هو بِسكُن مَعاهُم. و هُم بِكونو شَعب ليهو، و الله نَفسو بِكون مَعاهُم، و بِكون إلَه ليهُم.

رؤيا 4:1

و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 5:13

و كُلّو خَليقَه الفي السَّما و عَلى الأرض و تِحِت الأرض و الفي البَحَر و كُل الفيها سِمِعتُم يَقولو: ”ليهو القاعِد عَلى الكُرسي و لِلحَمَل البَرَكَه و الإحتِرام و المَجد و القُدرَه لِلأبَد!“

رؤيا 7:15

عَلَشان كِدا هُم قِدّام كُرسي الله و يَخدِموهو ليل و نَهار في هَيكَلو. و القاعِد عَلى الكُرسي بِفَرِّش خيمَتو فوقُم.

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.