رؤيا 13:2 - كِتاب العَهد الجَّديد مِن الكِتاب المُقَدَّس

² و الوَحَش الشُّفتو كان زي النِّمر، لَكِن أقدامو زي أقدام الدُّب، و خَشمو زي خَشُم الأسَد. و التّنين أدّا لِلوَحَش قُوَّتو و كُرسيهو، و سُلطَه عَظيمَه.

رؤيا 13:2 Iomraidhean Croise

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

رؤيا 12:13

و لَمّا التّنين شاف إنّو إترَمى لِلأرض، هو جَرى وَرا المَرَه الوِلدَت الإبن، الوَلَد.

رؤيا 12:15

و الدَّبيب رَمى مِن خَشمو مويَه زي البَحَر وَرا المَرَه، عَلَشان البَحَر يَشيلا بَعيد.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:12

و هو يَشتَغِل قِدّامو بِكُلّو سُلطات الوَحَش الأوَّل، و يَعمِل الأرض و السّاكِنين فيها يَعبُدو الوَحَش الأوَّل البِقي طَيب مِن جَرَحو الكان لِلموت.

رؤيا 13:4

و النّاس عَبَدو التّنين، عَلَشانو أدّا الوَحَش سُلطتو. و هُم عَبَدو الوَحَش و قالو: ”مِنو يَشبَه الوَحَش؟ و مِنو يَقدَر يَحارِبو؟“

رؤيا 16:10

و المَلاك الخامِس كَبَّ حَلَّتو عَلى كُرسي الوَحَش. و مَملَكتو بِقَت ضُلُمَّه. و النّاس عَضو عَلى لِساناتُم مِن الوَجَع.

رؤيا 17:12

و السَّبعَه قُرون الأنتَ شُفتُم، هُم عَشَرَه مُلوك، اللِّسَّع ما قِبِلو مَملَكَه. لَكِن بِياخدو سُلطَه زي المُلوك لِساعَه واحدَه مَعَ الوَحَش.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 20:2

و هو قَبَض عَلى التّنين، الدَّبيب القَديم، الهو إبْلِيس و الشّيطان، و رَبَطو لِألف سَنَه.