رؤيا 13:16 - كِتاب العَهد الجَّديد مِن الكِتاب المُقَدَّس

¹⁶ و هو كَمان يَعمِل كُل النّاس أن يَقبَلو عَلامَه في إيدُم اليَمين ولّا في جَبهاتُم. أدّوها لِلصُّغار و الكُبار، الغَنيين و المَساكين، الحُرّين و العَبيد.

رؤيا 13:16 Iomraidhean Croise

أعمال الرُّسُل 26:22

و لَكِن فِشان كانَت عِندي مُساعَدَه مِن الله، قَعَدتَ لِليوم دا، شاهِد لِلصَّغير و الكَبير. أنا ما بَقول حاجَه إلّا القالو الأنبياء و مُوسَى إنّو بِكون.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

غَلَاطِيَّه 6:17

مِن الوَكِت دا، واحِد ما يَتَعِّبني أكتَر، عَشانّي شايل في جِسمي عَلامات الرَّب يَسُوع.

أفَسُس 6:8

عَلَشان إنتو بِتَعرِفو كُلّو واحِد اليَعمِل حاجَه طَيبَه، هو بِقبَل زيهو مِن الرَّب، إذا هو عَبد ولّا حُر.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

٢ تِيمُوثَاوُس 3:8

و زي ما يَنّيس و وَيَمْبِرِيس عاكَسو مُوسَى، ديل كَمان بِعاكِسو الحَق، و هُم رُجال عِندَهُم أفكار خَربانَه و بِخُصوص الإيمان، هُم مَرفوضين.

رؤيا 11:18

الأُمَم بِقو زَعلانين، و غَضَبَك جا. و الزَّمَن جا عَشان تَحكُم عَلى المَيِّتين، و تَدّي الأُجرَه لِخَدّامينَك الأنبياء و القِدِّسين البِخافو إسمَك، الصُّغار و الكُبار. و عَشان تَخرَب ديل البِخرَبو الأرض.“

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 19:18

عَشان تاكلو لَحَم المُلوك و لَحَم رؤساء الجُّيوش و لَحَم الرُّجال القَوّيين، و لَحَم الحَصين و النّاس البِركَبو فوقُم، و لَحَم كُل النّاس، حُرّين و عَبيد، صُغار و كُبار.“

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 19:5

و صوت مَرَق مِن الكُرسي اليَقول: ”أحمَدو إلَهنا، يا كُلّو خَدّامينو، إنتو البِخافوهو، الصُّغار و الكُبار.“

رؤيا 20:12

و شُفتَ المَيِّتين، الكُبار و الصُّغار، واقِفين قِدّام الكُرسي. و فَتَحو الكُتُب. و فَتَحو كِتاب تاني، و هو كِتاب الحَياة. و هو دان المَيِّتين بِحَسَب المَكتوب في الكُتُب، حَسَب أعمالُم.

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

رؤيا 6:15

و مُلوك الأرض و الكُبار و رؤساء الجُّيوش و الغَنيين و الشُّداد و كُلّو عَبد و كُلّو حُر إندَسو في المَغاوير و بين حُجار الجِبال.

رؤيا 7:3

و قالو: ”ما تَضُرّو الأرض ولّا البَحَر ولّا الشَّجَر، حَتّى نَخُت الخِتِم عَلى جَبهات خَدّامين إلَهنا.“