رؤيا 13:14 - كِتاب العَهد الجَّديد مِن الكِتاب المُقَدَّس

¹⁴ و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 13:14 Iomraidhean Croise

٢ تَسَالُونِيكِي 2:4

هو يَقاوِم و يَرفَع نَفسو فوق كُلّو حاجَه اليَسَموها إلَه ولّا يَعبُدوها، حَتّى هو يَقعُد في هيكَل الله و يَوَرّي نَفسو زي ما هو إلَه.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:1

و شُفتَ وَحَش طالِع مِن البَحَر، عِندو عَشَرَه قُرون و سَبعَه روسين. و عِندو عَلى قرونو عَشَرَه تيجان، و عَلى روسينو إسم تَجديف.

رؤيا 13:15

و أدّو ليهو أن يَدّي روح لِصَنَم الوَحَش عَشان يتكَلَّم، و يَعمِل كُل النّاس الما بِيَعبُدو صَنَم الوَحَش يَكونو مَكتولين.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 14:11

و دُخان عَذابُم يَمشي فوق لِلأبَد. و ما عِندَهُم راحَه نَهار ولّا ليل، ديل البِيَعبُدو الوَحَش و صَنَمو، و كُلّو واحِد اليَقبَل عَلامَة إسمو.“

رؤيا 14:9

و مَلاك آخِر، التّالِت، تَبَعُم و يَقول بِصوت عالي: ”إذا أي واحِد يَعبُد الوَحَش و صَنَمو و يَقبَل عَلامتو عَلى جَبهَتو ولّا عَلى إيدو،

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 16:13

و شُفتَ تلاتَه أرواح نَجِسَه مَنظَرُم زي قَعونجَه. و هُم طَلَعو مِن خَشم التّنين و مِن خَشم الوَحَش و مِن خَشم النَّبي الكَضّاب.

رؤيا 16:2

و المَلاك الأوَّل مَشى و كَبَّ حَلَّتو عَلى الأرض. و النّاس العِندَهُم عَلامَة الوَحَش و البِيَعبُدو صَنَمو كانو مَضروبين بِدَبَر بَطّال، و فيهو وَجَع.

رؤيا 18:23

و نور الفانوس ما بِنَوِّر فيكي بَعَد دا أبَداً. و صوت العَريس و العَروسَه ما بِسمَعوهو فيكي بَعَد دا أبَداً. عَشان تُجّارِك كانو الكُبار في الأرض، و بِسِحرك كُل الأُمَم ضَلّو.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.