رؤيا 13:12 - كِتاب العَهد الجَّديد مِن الكِتاب المُقَدَّس

¹² و هو يَشتَغِل قِدّامو بِكُلّو سُلطات الوَحَش الأوَّل، و يَعمِل الأرض و السّاكِنين فيها يَعبُدو الوَحَش الأوَّل البِقي طَيب مِن جَرَحو الكان لِلموت.

رؤيا 13:12 Iomraidhean Croise

٢ تَسَالُونِيكِي 2:4

هو يَقاوِم و يَرفَع نَفسو فوق كُلّو حاجَه اليَسَموها إلَه ولّا يَعبُدوها، حَتّى هو يَقعُد في هيكَل الله و يَوَرّي نَفسو زي ما هو إلَه.

رؤيا 13:2

و الوَحَش الشُّفتو كان زي النِّمر، لَكِن أقدامو زي أقدام الدُّب، و خَشمو زي خَشُم الأسَد. و التّنين أدّا لِلوَحَش قُوَّتو و كُرسيهو، و سُلطَه عَظيمَه.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 14:11

و دُخان عَذابُم يَمشي فوق لِلأبَد. و ما عِندَهُم راحَه نَهار ولّا ليل، ديل البِيَعبُدو الوَحَش و صَنَمو، و كُلّو واحِد اليَقبَل عَلامَة إسمو.“

رؤيا 14:9

و مَلاك آخِر، التّالِت، تَبَعُم و يَقول بِصوت عالي: ”إذا أي واحِد يَعبُد الوَحَش و صَنَمو و يَقبَل عَلامتو عَلى جَبهَتو ولّا عَلى إيدو،

رؤيا 16:2

و المَلاك الأوَّل مَشى و كَبَّ حَلَّتو عَلى الأرض. و النّاس العِندَهُم عَلامَة الوَحَش و البِيَعبُدو صَنَمو كانو مَضروبين بِدَبَر بَطّال، و فيهو وَجَع.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.