رؤيا 13:1 - كِتاب العَهد الجَّديد مِن الكِتاب المُقَدَّس

¹ و شُفتَ وَحَش طالِع مِن البَحَر، عِندو عَشَرَه قُرون و سَبعَه روسين. و عِندو عَلى قرونو عَشَرَه تيجان، و عَلى روسينو إسم تَجديف.

رؤيا 13:1 Iomraidhean Croise

رؤيا 11:7

و لَمّا كَمَّلو شَهادَتُم، الوَحَش البِطلَع مِن الحُفرَه الغَريقَه خَلاص بِحارِبُم و بِيَغلِبُم و يَكتُلُم.

رؤيا 12:3

و عَلامَه تانيَه ظَهَرَت في السَّما: و شوف! تنين أحمَر كَبير، و عِندو سَبعَه روسين و عَشَرَه قُرون، و عَلى روسينو سَبعَه تيجان.

رؤيا 13:11

بَعدين شُفتَ وَحَش تاني طالِع مِن الأرض. و هو كان عِندو قَرنين زي حَمَل و يتكَلَّم زي تنين.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 13:15

و أدّو ليهو أن يَدّي روح لِصَنَم الوَحَش عَشان يتكَلَّم، و يَعمِل كُل النّاس الما بِيَعبُدو صَنَم الوَحَش يَكونو مَكتولين.

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 16:13

و شُفتَ تلاتَه أرواح نَجِسَه مَنظَرُم زي قَعونجَه. و هُم طَلَعو مِن خَشم التّنين و مِن خَشم الوَحَش و مِن خَشم النَّبي الكَضّاب.

رؤيا 17:16

و العَشَرَه قُرون الأنتَ شُفتَها، و الوَحَش، هُم بِيَكرَهو الزّانيَه. و هُم بِخرَبوها و يَخَلّوها عَريانَه، و بِياكُلو لَحَما و يَحرِقوها بِالنّار.

رؤيا 17:3

و المَلاك شَالني بِالرّوح لِلخَلا. و شُفتَ مَرَه قاعِدَه عَلى وَحَش أحمَر. و الوَحَش كان مَليان أسامي تَجديف، و عِندو سَبعَه رؤوس و عَشَرَه قُرون.

رؤيا 17:5

و مَكتوب عَلى جَبهَتا إسم سِرّي: ”بابِل العَظيمَه، أُم الزّانين و الحاجات المَكروهَه في الأرض.“

رؤيا 19:19

و شُفتَ الوَحَش و مُلوك الأرض و جُيوشُم إتلَمّو عَشان يَحارِبو الرّاكِب فوق الحُصان و جُيوشو.