رؤيا 12:4 - كِتاب العَهد الجَّديد مِن الكِتاب المُقَدَّس

⁴ و ضَنَبو يَجُر تِلت مِن نُجوم السَّما، و رَماهُم لِلأرض. و التّنين وَقَف قِدّام المَرَه القَرَّبَت تَلِد، عَشان يَبلَع وَلَدا لَمّا وِلدَت.

رؤيا 12:4 Iomraidhean Croise

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

رؤيا 12:7

و كان في حَرب في السَّما. مِخائيل و مَلائكَتو حارَبو التّنين. و التّنين و مَلائكَتو حارَبو كَمان.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:2

و الوَحَش الشُّفتو كان زي النِّمر، لَكِن أقدامو زي أقدام الدُّب، و خَشمو زي خَشُم الأسَد. و التّنين أدّا لِلوَحَش قُوَّتو و كُرسيهو، و سُلطَه عَظيمَه.

رؤيا 13:4

و النّاس عَبَدو التّنين، عَلَشانو أدّا الوَحَش سُلطتو. و هُم عَبَدو الوَحَش و قالو: ”مِنو يَشبَه الوَحَش؟ و مِنو يَقدَر يَحارِبو؟“

رؤيا 16:13

و شُفتَ تلاتَه أرواح نَجِسَه مَنظَرُم زي قَعونجَه. و هُم طَلَعو مِن خَشم التّنين و مِن خَشم الوَحَش و مِن خَشم النَّبي الكَضّاب.

رؤيا 17:18

و المَرَه الإنتَ شُفتَها، هي المَدينَه العَظيمَه و هي بِتَحكُّم عَلى مُلوك الأرض.“

رؤيا 20:2

و هو قَبَض عَلى التّنين، الدَّبيب القَديم، الهو إبْلِيس و الشّيطان، و رَبَطو لِألف سَنَه.

رؤيا 8:10

و المَلاك التّالِت ضَرَب بِالبوق، و نَجمَه كَبيرَه وَقَعَت مِن السَّما، مَوَلَّعَه زي فانوس. و وَقَعَت عَلى تِلت البِحار و عَلى عُيون المويَه.

رؤيا 8:11

و إسم النَّجمَه مَرارَه. و تِلت المويَه كُلَّها بِقَت مُرَّه، و ناس كُتار ماتو مِن المويَه عَلَشان بِقَت مُرَّه.

رؤيا 8:12

و المَلاك الرّابِع ضَرَب بِالبوق، و تِلت الشَّمِش إنضَرَب، و تِلت القَمَر، و تِلت النُّجوم كَمان. و عَلَشان كِدا، تِلت مِنَّهُم بِقى مَضَلِّم. و تِلت مِن النَّهار كان بِدون نور، و تِلت مِن اللّيل كَمان.

رؤيا 8:7

و المَلاك الأوَّل ضَرَب بِالبوق، و جا بَرَد و نار مَلَخبَتَه بِدَم، و رَموهُم عَلى الأرض. و تِلت مِن الأرض كُلَّها إنحَرَق، و تِلت الشَّجَر إنحَرَق، و كُلّو قَش أخدَر إنحَرَق.

رؤيا 8:8

و المَلاك التّاني ضَرَب بِالبوق، و حاجَه زي جَبَل كَبير مَوَلَّع بِالنّار إترَمَت في البَحَر. و تِلت البَحَر بِقى دَم.

رؤيا 8:9

و تِلت المَخلوقات الفي البَحَر ماتو، و خَرَبو تِلت المَراكِب.

رؤيا 9:10

و عِندَهُم أضناب زي عَقارِب و شوك، و في أضنابُم القُوَّه عَشان يَضُرّو النّاس مُدَّة خَمسَه شُهور.

رؤيا 9:19

عَشان قُوَّة الحَصين في خُشومُم و في أضنابُم. عَشان أضنابُم زي الدَّبايب، و بِروسينُم بِضُرّو.