رؤيا 10:11 - كِتاب العَهد الجَّديد مِن الكِتاب المُقَدَّس

¹¹ و بَعَد دا قال لَي: ”واجِب عَليك تِتنِبّى تاني مَرَّه عَن شُعوب و أُمَم و لُغات و مُلوك كُتار.“

رؤيا 10:11 Iomraidhean Croise

رؤيا 10:10

و أخَدتَ الكِتاب الصَّغَير مِن إيد المَلاك و أكَلتو. و في خَشمي كان حِلو زي العَسَل، و بَعَد ما أكَلتو، بِقى مُر في بَطني.

رؤيا 11:1

و أدّوني قَصَب زي عَصايَة القِياس، و قالو لَي: ”قوم و قيس هيكَل الله و المَضبَح و النّاس اليَعبُدو فيهو.

رؤيا 11:9

و ناس مِن الشُّعوب و القَبايل و اللُّغات و الأُمَم بِعاينو لِأجسامُم المَيِّتين مُدَّة تلاتَه أيام و نُص. و هُم بِيابو يَدفِنوهُم في قَبر.

رؤيا 14:6

و شُفتَ مَلاك تاني يَطير في وَسِط السَّما، و مَعاهو الإنجيل الأبَدي عَشان يَبَشِّر بيهو السّاكنين عَلى الأرض مِن كُلّو أُمَّه و قَبيلَه و لُغَه و شَعب.

رؤيا 17:10

خَمسَه مِنَّهُم وَقَعو، و واحِد مَوجود، و التّاني لِسَّع ما جا. و لَمّا بِجي، لازِم يِستَنّى وَكِت قَليل.

رؤيا 17:12

و السَّبعَه قُرون الأنتَ شُفتُم، هُم عَشَرَه مُلوك، اللِّسَّع ما قِبِلو مَملَكَه. لَكِن بِياخدو سُلطَه زي المُلوك لِساعَه واحدَه مَعَ الوَحَش.

رؤيا 17:15

و المَلاك قال لَي: ”المويَه الأنتَ شُفتَها، المَحَل الزّانيَه بِتَقعُد فوقو، هي شُعوب و جَماعات و أُمَم و لُغات.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.