رؤيا 1:3 - كِتاب العَهد الجَّديد مِن الكِتاب المُقَدَّس

³ مُبارَك هو البِقرا و هُم البِسمَعو كِلمات النُّبوَّه دي، و يَحفَظو الحاجات المَكتوبَه فيها. عَشان الوَكِت قَريب.

رؤيا 1:3 Iomraidhean Croise

مَتَّى 24:15

عَلى كِدا، بِتشوفو الحاجَه المَكروهَه التَّخرَب، واقفَه في المَحَل المُقَدَّس. النَّبي دانيال إتكَلَّم عَنّو. (خَلّي الزّول اليَقرا الكَلام دا يَفهَم!)

لُوقَا 11:28

و هو قال: ”و لَكِن مُبارَكين بِالأكتَر البِسمَعو كَلام الله و بِحفَظوهو.“

رُومِيَه 13:11

و أعمِلو دا، و أفهَمو الوَكِت الحاضِر. السّاعَه جات عَشان تَقومو مِن النّوم. فِشان خَلاصنا هَسَّع قَريب مِن ما كان لَمّا آمَنّا في الأوَّل.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

٢ بُطْرُس 3:8

لَكِن ما تَنسو الحاجَه الواحدَه دي، يا مَحبوبين، يوم واحِد مَعَ الرَّب زي ألف سَنَه، و ألف سَنَه زي يوم واحِد.

رؤيا 22:10

و هو قال لَي: ”ما تَخُت خِتِم عَلى كِلمات نُبُوَّة الكِتاب دا، عَلَشان الوَكِت قَريب.

رؤيا 22:12

”شوف! أنا جاي قَريب! و أُجرَتي مَعاي عَشان أَدِّي لِكُلّو واحِد حَسَب أعمالو.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.