رؤيا 1:18 - كِتاب العَهد الجَّديد مِن الكِتاب المُقَدَّس

¹⁸ أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 1:18 Iomraidhean Croise

مَتَّى 11:23

و إنتي، يا كَفْرَنَاحُوم، بِرفَعوكي لِلسَّما؟ بِنَزِّلوكي تِحِت لِلهاويَه. عَشان إذا كان الأعمال القَوّيَّه الكانو عَمَلوها فيكي، عَمَلوها في سَدوم، سَدوم كانَت قَعَدت لِغايَة اليوم دا.

مَتَّى 16:19

و بَدّيك مَفاتيح مَلَكوت السَّما. و كُل الأنتَ بِتَربُطو عَلى الأرض، بِكون الكان مَربوط في السَّما. و كُل الأنتَ بِتفِك عَلى الأرض، بِكون الفَكّوهو في السَّما.“

لُوقَا 24:5

و لَمّا كانو خايفين، و دَنقَرو لِلأرض بِوَشُّم، الرّاجلين قالو ليهُم: ”لِشِنو تَفَتِّشو عَلى الحَي بين المَيِّتين؟

يُوحَنَّا 11:25

يَسُوع قال ليها: ”أنا هو القيامَه و الحَياة. و البِآمِنو بي، و لَو مات بِكون حَي.

يُوحَنَّا 14:19

بَعَد شوَيَه الدُّنيا ما ماشيَه تَشوفني تاني مَرَّه، لَكِن إنتو بِتشوفوني. عَلَشان أنا حَي، إنتو كَمان بِتَحيو.

رُومِيَه 6:9

بِنَعرِف المَسيح قام مِن بين المَيِّتين، و هو ما بِموت مَرَّه تانيَه أبَداً. الموت ما عِندو سُلطَه فوقو بَعَد دا.

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

كُولُوسِّي 3:3

عَشان إنتو مُتّو، و حَياتكُم مَدسوسَه مَعَ المَسيح في الله.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 7:16

و هو بِقى قَسّيس، مُش عَلى أساس قانون و أمر جِسمي، عَلى أساس قُوَّة حَياة ما عِندَها نِهايَه.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

رؤيا 10:6

و هو حَلَف بيهو البِعِيش لِلأبَد، الخَلَق السَّما و كُل الفيها، و الأرض و كُل الفيها، و البَحَر و كُل الفيهو. و قال: ”ما بِكون في زَمَن بَعَد دا!

رؤيا 15:7

و واحِد مِن الأربَعَه حَيوانات أدّا لِلسَّبعَه مَلائكَه سَبعَه حِلَل مِن دَهَب مَليانَه مِن غَضَب الله، البِعِيش لِلأبَد.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 20:13

و البَحَر سَلّم المَيِّتين الكانو فيهو، و الموت و الهاويَه سَلَّمو المَيِّتين الكانو فيهُم. و هو دان كُلّو واحِد حَسَب أعمالو.

رؤيا 20:14

و الموت و الهاويَه إترَمو في بِركَة النّار. و بِركَة النّار، هي الموت التّاني.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.

رؤيا 4:9

و الحَيوانات يَدّو مَجد و إحتِرام و شُكر لِلقاعِد عَلى الكُرسي، و ليهو الحَي لِلأبَد.

رؤيا 5:14

و الأربَعَه حَيوانات قالو: ”آمين!“ و الشُّيوخ وَقَعو و عَبَدو.

رؤيا 6:8

و عايَنتَ، و أهو دا! حُصان أصفَر، و الرّاكِب فوقو إسمو الموت، و الهاويَه مَشى وَراهو. و أدّوهُم سُلطَه عَلى رُبُع الأرض، عَشان يَكتُلو بِالسّيف و الجّوع و الموت و بِوحوش الأرض.

رؤيا 9:1

و المَلاك الخامِس ضَرَب بِالبوق، و شُفتَ نَجمَه كانَت وَقَعَت مِن السَّما لِلأرض. و أدّو ليها مُفتاح الحُفرَه الغَريقَه خَلاص.