رؤيا 1:16 - كِتاب العَهد الجَّديد مِن الكِتاب المُقَدَّس

¹⁶ و في إيدو اليَمين عِندو سَبعَه نُجوم و ماشي مِن خَشمو سيف سَنين، عِندو طَرَفين. و وَشّو يَنَوِّر زي الشَّمِش في قوَتو.

رؤيا 1:16 Iomraidhean Croise

مَتَّى 17:2

و شَكلو كان مَغَيَّر، و وَشّو إتنَوَّر زي الشَّمِش، و هِدومو بِقى أبيَض زي النّور.

أعمال الرُّسُل 26:13

كُنتَ في الطَّرِيق، يا مَلِك، و شُفتَ في نُص النَّهار نور مِن السَّما. و النّور دا كان يَفوت عَلى نور الشَّمِش و يَنَوِّر حَواليهم، و حَول النّاس الماشين مَعاي.

أفَسُس 6:17

و أُخدو بَرنيطَة الخَلاص، و سيف الرّوح الهو كِلمَة الله.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

رؤيا 10:1

و بَعدين شُفتَ مَلاك تاني قَوّي نازِل مِن السَّما. هو كان مَلفوف بِسَحابَه، و عَلى رَاسو قوس سَحاب. و وَشّو زي الشَّمِش، و كِرعينو زي عَمودين مِن نار.

رؤيا 12:1

و عَلامَه عَظيمَه ظَهَرَت في السَّما: مَرَه هِدوما الشَّمِش، و تِحِت كِرعينا القَمَر، و تاج مِن إتناشَر نَجمَه عَلى راسا.

رؤيا 19:15

و سيف سَنين يَمرُق مِن خَشمو عَشان يَضرُب بيهو الأُمَم. و هو بِيَحكُم عَليهُم بِعَصايَه مِن حَديد. و هو بِدوس عَصارَة العِنَب بِتاعَت شِدَّة خَمر غَضَب الله القادِر عَلى كُلّو شي.

رؤيا 19:21

و باقي النّاس كانو مَكتولين بِسيف الرّاكِب فوق الحُصان. و السّيف دا كان بِمرُق مِن خَشمو. و كُل الطُّيور شَبَعو مِن اللَّحَم بِتاعُم.

رؤيا 2:1

أكتِب لِمَلاك الكَنيسَه الفي أفَسُس: هو اليَمسِك السَّبعَه نُجوم بِيَمينو، و الماشي في وَسِط السَّبعَه مَناوِر مِن دَهَب، بِقول الحاجات دي.

رؤيا 2:12

و أكتِب كَمان لِمَلاك الكَنيسَه الفي بَرْغَامُس: ديل الحاجات البِقولو العِندو السّيف السَّنين العِندو طَرَفين.

رؤيا 2:16

عَلَشان كِدا، توب، و إلّا أنا بَجيك قَوام و بَحارِبُم بِسيف خَشمي.

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.