رؤيا 1:11 - كِتاب العَهد الجَّديد مِن الكِتاب المُقَدَّس

¹¹ و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

رؤيا 1:11 Iomraidhean Croise

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 18:24

و في الزَّمَن دا، يَهودي إسمو أَبُلُّوس مِن ناس الإسكَندَريَّه جا لِأفَسُس. و هو راجِل عِندو قُدرَه في الكَلام و في الكُتُب.

أعمال الرُّسُل 20:17

و مِن مِيلِيتُس بُولُس رَسَّل، و نادى شُيوخ الكَنيسَه.

١ كُورِنْثُوس 15:32

زي ما النّاس بِفتَكِرو، الفايدَه شِنو لَي إذا حارَبتَ وحوش في أفَسُس؟ إذا كان المَيِّتين ما يَقومو: ”خَلّونا ناكُل و نَشرِب، عَشان بُكرَه بِنموت.“

١ كُورِنْثُوس 16:8

و لَكِنّي بَقعُد في أفَسُس لِغايَة يوم الخَمسين.

أفَسُس 1:1

مِن بُولُس رَسول يَسُوع المَسيح بِإرادَة الله، لِلقِدِّسين الفي أفَسُس و المؤمِنين بِالمَسيح يَسُوع.

كُولُوسِّي 2:1

أنا عاوِزكُم تَعرِفو كيف أنا بَشتَغِل شَديد خَلاص عَلَشانكُم، و عَلَشان ديل الفي لاوُدِكِيَّة، و كُل الما شافو وَشّي في الجِّسِم.

١ تِيمُوثَاوُس 1:3

إستَنّى في أفَسُس زي ما طَلَبتَ ليك لَمّا كُنتَ ماشي لِمَكِدونيَّه. أنا عَاوِزَك تأمر بَعَض مِن النّاس أن ما يَعَلِّمو تَعليم تاني،

رؤيا 1:17

و لَمّا شُفتو، وَقَعتَ عِند كِرعينو زي الزّول المَيِّت. و هو خَتَّ إيدو اليَمين عَلي و قال: ”ما تَخاف. أنا هو الأوَّل و الآخِر.

رؤيا 1:19

عَلَشان كِدا، أكتِب الحاجات الشُّفتَها، و الحاجات المَوجودَه، و الحاجات البِتَحصُل بَعَد دا.

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 1:8

”أنا البِدايَه و النِّهايَه،“ يَقول الله الرَّب، المَوجود و الكان مَوجود و الماشي يَجي، القادِر عَلى كُلّو شي.

رؤيا 10:4

و لَمّا السَّبعَه رُعود إتكَلَّمو، أنا قَرَّبتَ أكتِب. لَكِن سِمِعتَ صوت مِن السَّما يَقول: ”خُت خِتِم عَلى الحاجات السَّبعَه رُعود إتكَلَّمو بيها، و ما تَكتِبا.“

رؤيا 14:13

و سِمِعتَ صوت مِن السَّما يَقول: ”أكتِب: مُبارَكين المَيِّتين، البِموتو في الرَّب مِن هَسَّع!“ ”أيوَه،“ يَقول الرّوح: ”عَلَشانُم بِستَريحو مِن أتعابُم، عَشان أعمالُم بِيَتبَعوهُم.“

رؤيا 19:9

و هو قال لَي: ”أكتِب: مُبارَكين ديل النّادوهُم لِعَشا عِرِس الحَمَل.“ و قال لَي كَمان: ”دي كِلمات الله الصَّحَيحَه.“

رؤيا 2:1

أكتِب لِمَلاك الكَنيسَه الفي أفَسُس: هو اليَمسِك السَّبعَه نُجوم بِيَمينو، و الماشي في وَسِط السَّبعَه مَناوِر مِن دَهَب، بِقول الحاجات دي.

رؤيا 2:12

و أكتِب كَمان لِمَلاك الكَنيسَه الفي بَرْغَامُس: ديل الحاجات البِقولو العِندو السّيف السَّنين العِندو طَرَفين.

رؤيا 2:18

و أكتِب كَمان لِمَلاك الكَنيسَه الفي ثِيَاتِيرَا: ديل الحاجات البِقولو إبن الله العِندو عُيون زي لَهيب نار، و كِرعينو زي النَّحاس الأصفَر اللَّامَع.

رؤيا 2:24

و لَكِن بَقول دا ليكُم، التّانيين في ثِيَاتِيرَا، كُل الما مَسَكتو بِالتَعليم دا. و إنتو ما بِتَعرِفو الحاجات الغَريقَه بِتاعَت الشّيطان زي ما بِقولو. أنا ما بَخُت عَليكُم حِمِل تاني.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 21:5

و القاعِد عَلى الكُرسي قال: ”شوف! أنا بَسَوّي كُلّو شي جَديد.“ و قال لَي كَمان: ”أكتِب، عَشان الكِلمات دي صادِقَه و أمينَه.“

رؤيا 22:10

و هو قال لَي: ”ما تَخُت خِتِم عَلى كِلمات نُبُوَّة الكِتاب دا، عَلَشان الوَكِت قَريب.

رؤيا 22:16

أنا يَسُوع رَسَّلتَ ملاكي عَشان يَشهَد ليكُم بِالحاجات دي في الكَنايس. أنا عِرق دَاوُد و مِن أولادو، و أنا نَجمَه الصَّباح اللّامعَه.“

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.