فيلِبّي 4:7 - كِتاب العَهد الجَّديد مِن الكِتاب المُقَدَّس

⁷ و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

فيلِبّي 4:7 Iomraidhean Croise

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 8:6

فِكر الجِّسِم هو موت، لَكِن فِكر الرّوح هو حَياة و سَلام.

٢ كُورِنْثُوس 10:5

نَخَرِّب صُوَر الأفكار و كُلّو حاجَه عاليَه البِتكون مَرفوع ضِد الله. و نَقبُض عَلى كُلّو فِكر عَشان نَسَويهو يَطيع المَسيح.

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

أفَسُس 3:19

و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

فيلِبّي 1:2

نِعمَه ليكُم و سَلام مِن الله أبونا و الرَّب يَسُوع المَسيح.

فيلِبّي 4:19

و إلَهي بيَملا كُلّو إحتياجكُم بِحَسَب غِناهو في المَجد في المَسيح يَسُوع.

فيلِبّي 4:21

سَلِّمو عَلى كُل القِدِّسين في المَسيح يَسُوع. الأخوان المَعاي، يَسَلِّمو عَليهُم.

فيلِبّي 4:9

الإنتو إتعَلَّمتو، و قِبِلتو، و سِمِعتو مِنّي، و شُفتو فِيني، أعمِلو بِدا. و إلَه السَّلام بِكون مَعاكُم.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.