فيلِبّي 3:19 - كِتاب العَهد الجَّديد مِن الكِتاب المُقَدَّس

¹⁹ نِهايَتُم هي الخَراب، و إلَهُم هو بُطونُم، و مَجدُم هو خَجَلُم، و فِكرُم في حاجات الدُّنيا.

فيلِبّي 3:19 Iomraidhean Croise

مَتَّى 16:23

و لَكِن إتلَفَت و قال لِبُطْرُس: ”أمشي مِنّي، يا شيطان! إنتَ سَبَب وقوع لَي، عَشان إنتَ ما بِتفَكِّر في حاجات الله لَكِن في حاجات النّاس.“

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

لُوقَا 12:19

و أقول لِنَفسي، يا نَفسي، عِندِك حاجات كوَيسَه كَتيرَه مَحفوظَه لِسِنين كَتيرَه. إستَريحي، و أُكلي و أشرَبي و كوني مَبسوطَه.

لُوقَا 16:19

كان في راجِل غَني، و كان بِلبَس حَرير و تيل. و كان بياكُل أكِل كوَيس جِدّاً كُلّو يوم.

لُوقَا 18:4

و أبى لِمُدَّه قَليلَه، لَكِن بَعدين قال لِنَفسو: ’و لَو ما بَخاف الله و لا أحتَرِم النّاس،

رُومِيَه 16:18

عَشان ناس زي ديل ما بِخدِمو رَبَّنا المَسيح لَكِن بُطونُم. و بِالكِلمات الحِلوَه و كَلام الحَمد يَغِشّو قُلوب المُخلِصين.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

١ كُورِنْثُوس 5:2

و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

١ كُورِنْثُوس 5:6

كِبِركُم ما كوَيس. ما بِتَعرِفو خَميرَه صَغَيرَه تَخَمِّر العَجين كُلّو؟

٢ كُورِنْثُوس 11:12

و لَكِن الحاجَه البَعمِلا، بَعمِلا عَشان أوَقِّف ديل البِشكُرو نُفوسُم و بِقولو هُم بِشتَغِلو زي ما نِحنا نَشتَغِل.

٢ كُورِنْثُوس 11:15

و كِدا، ما حاجَه كَبيرَه إذا خَدّامينو كَمان يَغَيِّرو شَكلهُم زي خَدّامين لِلبِر. و آخِر بِكون حَسَب أعمالُم.

غَلَاطِيَّه 6:13

عَشان المُطَهَّرين، هُم نُفوسُم، ما بِحفَظو القانون. لَكِن هُم عاوزينكُم تَكونو مُطَهَّرين عَشان يَمَجِّدو جِسِمكُم.

فيلِبّي 2:21

عَشان كُلّو واحِد مِنَّهُم يَهتَمّو بِأحوال نُفوسُم، و مُش لِحال يَسُوع المَسيح.

كُولُوسِّي 3:2

خُتّو بالكُم في الحاجات الفي فوق، و مُش عَلى الحاجات بِتاعَت الأرض.

٢ تَسَالُونِيكِي 1:9

و الجِّزا بِتاعُم هو خَراب أبَدي، و يَفَرِّقوهُم مِن وَش الرَّب و مِن مَجد قُوَّتو،

٢ تَسَالُونِيكِي 2:12

و عَلَشان كُل الما صَدَّقو الحَق لَكِن فِرحو بِالخَطيَّه، يِتحَكَمو.

٢ تَسَالُونِيكِي 2:8

و بَعَد دا، يَظهَر إنسان الخَطيَّه. و الرَّب يَسُوع بِغلِبو بِنَفَس خَشمو، و بِخَرِّبو بِمَجدو لَمّا بِجي.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

٢ تِيمُوثَاوُس 3:4

و هُم خايِنين، جَرّايين، مُحِبّين نُفوسُم، بِحِبّو السُّرور لَكِن ما بِحِبّو الله.

يَعْقُوب 4:16

لَكِن هَسَّع بِتَشكُرو و بِتَرفَعو نُفوسكُم. كُلّو كِبِر زي دا شَرّير.

٢ بُطْرُس 2:1

و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع.

٢ بُطْرُس 2:13

و بِدفَعو ليهُم تَعب زي أُجرَة التَّعب الهُم عَمَلوهو. هُم يَحسِبوهو سُرور أن يَعِيشو حَياة ناعِمَه بِالنَّهار. و هُم نُقَط وَسخانَه و عُيوب، و عِندَهُم فَرَح شَديد في غِشُّم لَمّا ياكُلو في العَزومَه مَعاكُم.

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

يَهُوذَا 1:10

لَكِن ديل يَجَدِّفو عَلى الما يَفهَمو. و هُم يَسَوّو زي الحَيوانات الما عِندَهُم عَقل اليَمشو بِطَبيعَتُم. و بِالطَّرِيقَه دي يَخرِبو نُفوسُم.

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

رؤيا 18:7

بِقَدُر ما هي مَجَّدَت نَفسا و عاشَت حَياة ناعِمَه، أدّوها عَذاب و حُزن. عَلَشان في قَلبا هي تَقول: أنا قاعِدَه مَلِكَه، أنا مُش أرمَلَه، و أنا ما بَبكي أبَداً.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.