فيلِبّي 3:13 - كِتاب العَهد الجَّديد مِن الكِتاب المُقَدَّس

¹³ يا أخوان، أنا لِسَّع ما أحسِب إنّي مَسَكتَ بيهو. و لَكِن أعمِل حاجَه واحدَه بَس: أنسى الحاجات الفي وَرا، و أتقَدَّم بِكُلّو قوَّتي لِلحاجات الفي قِدّام.

فيلِبّي 3:13 Iomraidhean Croise

لُوقَا 10:42

لَكِن الضَّروري، حاجَه واحدَه. و مَرْيَم إختارَت الجُّزو السَّمِح الما يَاخُدوهو مِنَّها.“

لُوقَا 9:62

لَكِن يَسُوع قال ليهو: ”ما في زول البِخُت إيدو عَلى المِحرات و يَعايِن لِوَرا، عِندو فايدَه في مَلَكوت الله.“

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

فيلِبّي 3:12

أنا ما أخَدتَ دي مِن قَبل، ولّا بِقيت كامِل. و لَكِن أجري طَوّالي عَشان أمسِك دا، الكان السَّبَب المَسيح يَسُوع مَسَكني.

فيلِبّي 3:8

بِالأكتَر، أحسِب كُلّو شي خَسارَه عَلَشان المَعرِفَه البِتفوت عَن كُلّو شي، يَعني مَعرِفَة المَسيح يَسُوع رَبّي. و فِشانّو، أنا خَسَرتَ كُل الحاجات و أحسِبا زي حاجَه خَربانَه عَشان آخُد المَسيح،

عِبرانيين 6:1

عَلَشان كِدا، خَلّونا نَسيب التَّعاليم الفي البِدايَه عَن المَسيح، و نِتقَدَّم لِلكَمال. و ما نَخُت مَرَّه تانيَه أساس التّوبَه مِن الأعمال المَيِّتَه و الإيمان بِالله،

٢ بُطْرُس 3:8

لَكِن ما تَنسو الحاجَه الواحدَه دي، يا مَحبوبين، يوم واحِد مَعَ الرَّب زي ألف سَنَه، و ألف سَنَه زي يوم واحِد.