فيلِبّي 2:9 - كِتاب العَهد الجَّديد مِن الكِتاب المُقَدَّس

⁹ عَلَشان دا، الله رَفَّعو، و أدّاهو الإسم الفوق كُلّو إسم تاني،

فيلِبّي 2:9 Iomraidhean Croise

مَتَّى 11:27

كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو.

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

لُوقَا 10:22

أبوي أدّاني كُلّو شي. و ما في زول يَعرِف الإبن هو مِنو، إلّا الأبو، و الأبو هو مِنو إلّا الإبن، و كُل الإبن عاوِز يَوَرّي نَفسو ليهو.“

يُوحَنَّا 13:3

يَسُوع عِرِف إن الأبو أدّا ليهو كُلّو شي في إيدينو، و إنّو جا مِن عِند الله، و يَرجَع لِلَّه.

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

يُوحَنَّا 17:12

لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

أفَسُس 1:10

و الله بِكَمِّل تَرتيبو لَمّا الزَّمَن يَكون تَمام، عَشان يَلِم كُلّو شي الفي السَّما و العَلى الأرض عَشان يَكون واحِد في المَسيح.

كُولُوسِّي 1:18

و هو راس الجِّسِم، الكَنيسَه. هو البِدايَه و البِكر مِن بين المَيِّتين، عَشان هو يَكون مِتقَدِّم في كُلّو حاجَه.

٢ تَسَالُونِيكِي 1:12

و نَصَلّي كَمان عَشان إسم رَبَّنا يَسُوع بِقبَل مِنَّكُم المَجد، و إنتو بِتَقبَلو مَجد مِنّو، حَسَب نِعمَة إلَهنا و الرَّب يَسُوع المَسيح.

عِبرانيين 1:4

و هو بِقى أحسَن بِكَتير مِن المَلائكَه بِحَسَب ما وِرِث إسم أحسَن مِنَّهُم.

عِبرانيين 1:9

إنتَ حَبيت البِر و كِرِهتَ الشَّر. عَلَشان كِدا، الله، إلَهَك، مَسَحَك بِزيت الفَرَح أكتَر مِن شُرَكاءَك.“

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 2:9

لَكِن نِحنا نَشوف يَسُوع! لِوَكِت قَليل هو كان مَعمول تِحِت مِن المَلائكَه، عَلَشان بِنِعمَة الله هو يَموت فِشان كُلّو واحِد. و هَسَّع نَشوف تاج المَجد و الإحتِرام عَلى رَاسو عَلَشان هو تِعِب تَعب الموت.

١ بُطْرُس 3:22

و هو دَخَل السَّما، و هو في يَمين الله، و المَلائكَه و السُّلطات و القُوّات يَطيعوهو.

٢ بُطْرُس 1:17

عَشان هو أخَد مِن الله الأبو الإحتِرام و المَجد لَمّا الصّوت جا ليهو مِن المَجد العَظيم، القال: ”دا هو إبني الحَبيب، و أنا مَبسوط بيهو.“

٣ يُوحَنَّا 1:7

و عَشان خاطِر الإسِم هُم مَرَقو، و ما ياخُدو حاجَه مِن الأُمَم.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

رؤيا 19:16

و مَكتوب عَلى توبو و فَخدو الإسِم، مَلِك المُلوك و رَب الأرباب.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 5:12

و يَقولو بِصوت عالي: ”الحَمَل الكان مَكتول مُستَحِق يَقبَل القُدرَه و الغِنى و الحِكمَه و القُوَّه و الإحتِرام و المَجد و البَرَكَه!“