مَرْقُس 9:23 - كِتاب العَهد الجَّديد مِن الكِتاب المُقَدَّس

²³ و يَسُوع قال ليهو: ”تَقول: إذا تَقدَر! كُلّو شي مُمكِن لِلزّول البِصَدِّق.“

مَرْقُس 9:23 Iomraidhean Croise

مَتَّى 14:29

و يَسُوع قال: ”تَعال.“ و بُطْرُس نَزَل مِن المُركَب و مَشى عَلى المويَه، و جا لِيَسُوع.

مَتَّى 17:20

و قال ليهُم: ”عَلَشان إيمانكُم قَليل. عَشان بِالحَق أقول ليكُم، إذا كان ليكُم إيمان زي تيراب خَردَل، بِتقولو لِلجَّبَل دا: إتحَرَّك مِن هِنا لِلمَحَل هِناك، و هو يِتحَرَّك. و ما في حاجَه بِتكون ما مُمكِن ليكُم.

مَرْقُس 11:23

أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو.

مَرْقُس 9:22

و مَرّات كَتيرَه رَماهو في النّار و في المويَه عَشان يَخرِبو. لَكِن إذا تَقدَر تَعمِل حاجَه، أرحَمنا و ساعِدنا.“

مَرْقُس 9:24

و طَوّالي أبو الوَلَد كورَك و قال: ”أنا بَصَدِّق. ساعِدني في ضُعف إيماني.“

لُوقَا 17:6

و الرَّب قال: ”إذا عِندَكُم إيمان زي تيراب خَردَل، كُنتو بِتقولو لِلشَّجَرَه دي: أمرُقي مِن الأرض، و كوني مَزروعَه في البَحَر. و بِكون كِدا.

يُوحَنَّا 11:40

يَسُوع قال ليها: ”أنا ما قُلتَ ليكي، كان آمَنتي، تَشوفي مَجد الله؟“

أعمال الرُّسُل 14:9

و هو سِمِع بُولُس يتكَلَّم. و بُولُس عايَن ليهو، و شاف إنّو عِندو إيمان لِلشِّفا.

عِبرانيين 11:6

و بِدون إيمان ما مُمكِن نَبسِط الله. عَشان أي زول اليَقَرِّب لِلَّه لازِم يآمِن هو مَوجود و هو بِدّي أُجرَه ليهُم اليَطلُبوهو.