مَرْقُس 9:17 - كِتاب العَهد الجَّديد مِن الكِتاب المُقَدَّس

¹⁷ و واحِد مِن النّاس رَدَّ عَليهو و قال: ”يا مُعَلِّم، جِبتَ ليك وَلَدي، عَشان عِندو روح أبكَم.

مَرْقُس 9:17 Iomraidhean Croise

مَتَّى 12:22

بَعدين جابو ليهو زول كان فيهو شيطان، و هو عَميان و أبكَم. و يَسُوع شَفاهو حَتّى هو قِدِر يتكَلَّم و يَشوف.

مَتَّى 17:15

”يا رَب، كون رَحيم لِوَلَدي، عَشان هو عِندو العَيى البِتَرميهو تِحِت، و بِتعَذَّب جِدّاً. عَشان مَرّات كَتيرَه يَقَع في النّار، و مَرّات كَتيرَه يَقَع في المويَه.

مَتَّى 9:32

و وَكِت ما كانو ماشين، شوف! زول ما بِقدَر يتكَلَّم و كان فيهو شيطان، جابوهو لِيَسُوع.

مَرْقُس 10:13

و كانو يَقَدِّمو ليهو أولاد عَشان يَلمَسُم. و لَكِن التَّلاميذ كانو يَوَبِّخو النّاس القَدَّموهُم.

مَرْقُس 5:23

و قال: ”بِتّي الصَّغَيرَه قَريبَه مِن الموت. تَعال مِن فَضلَك، و خُت إيدَك عَليها عَشان تَكون طَيبَه، و تَحيى.“

مَرْقُس 7:26

و هي كانَت مَرَه مِن ناس إغريقيين، جِنسا فينيقِيَّه سُورِيَّه. و طَلَبَت مِنّو يَطَلِّع الشّيطان مِن بِتّا.

مَرْقُس 9:16

و هو سألُم و قال: ”تِتكَلَّمو مَعاهُم عَن شِنو؟“

مَرْقُس 9:18

و في كُلّو مَحَل الرّوح يَمسِكو، يَرميهو لِلأرض. و هو يَزَبِّد، و يَعُض أسنانو، و يَبقى يابِس. و طَلَبتَ لِتَلاميذَك أن يَطَلِّعوهو، لَكِن ما قِدرو.“

مَرْقُس 9:25

و لَمّا يَسُوع شاف النّاس يَجو جاريين سَوا، وَبَّخ الرّوح النَّجِس، و قال ليهو: ”يا الرّوح الأبكَم الأطرَش، أنا بَدّيك أمر اطلَع مِنّو، و لا تَدخُلو مَرَّه تانيَه أبَداً.“

لُوقَا 11:14

و يَسُوع كان يَطَلِّع شيطان أبكَم. و حَصَل لَمّا الشّيطان طَلَع، الأبكَم إتكَلَّم. و النّاس إتعَجَّبو.

لُوقَا 9:38

و شوف! راجِل مِن الجَّمَع كورَك و قال: ”يا مُعَلِّم! أطلُب مِنَّك عايِن لِوَلَدي، عَشان هو وَلَدي الوَحَيد.

يُوحَنَّا 4:47

و لَمّا سِمِع يَسُوع جا مِن اليَهُودِيَّه لِلجَّليل، هو مَشى ليهو، و سَألو أن يَنزِل و يَشفي وَلَدو الكان قَريب مِن الموت.