مَرْقُس 6:34 - كِتاب العَهد الجَّديد مِن الكِتاب المُقَدَّس

³⁴ و لَمّا يَسُوع طَلَع، هو شاف ناس كُتار، و حَنَّه عَليهُم، فِشان هُم زي خِرفان بِدون راعي. و بِقى يَعَلِّمُم حاجات كَتيرَه.

مَرْقُس 6:34 Iomraidhean Croise

مَتَّى 14:14

و لَمّا يَسُوع وِصِل لِلطَّرَف، شاف ناس كُتار. و كان عِندو رَحمَه في قَلبو، و شَفى الكانو عَيّانين.

مَتَّى 15:32

بَعدين يَسُوع نادى تَلاميذو و قال ليهُم: ”أنا عِندي رَحمَه عَلى النّاس، عَشانُم مَعاي تلاتَه أيام هَسَّع، و ما عِندَهُم أكل. و أنا ما عاوِز أرَسِّلُم جَعانين، عَشان يِمكِن يَقَعو في السِّكَّه.“

مَتَّى 9:36

و لَمّا شاف الجُّموع، كان عِندو رَحمَه ليهُم في قَلبو، عَشان كانو تَعبانين و كانو بِدون مُساعَدَه زي خِرفان بِدون راعي.

مَرْقُس 6:33

و ناس كُتار شافوهُم ماشين، و عِرِفوهُم. و جَرو هِناك بِكِرعينُم مِن كُل المُدُن. و وِصلو قُبّال ما هُم وِصلو.

مَرْقُس 6:35

و بَعَد ساعات كَتيرَه، تَلاميذو قَرَّبو ليهو و قالو: ”المَحَل دا خَلا، و الوَكِت فات.

مَرْقُس 8:1

و في الأيام ديلاك، ناس كُتار إتلَمّو، و ما كان عِندَهُم أكِل. و يَسُوع نادى تَلاميذو و قال ليهُم،

مَرْقُس 8:2

”أحِن عَلى النّاس، عَشان هُم قاعِدين مَعاي تلاتَه أيام هَسَّع، و ما عِندَهُم أكِل.

لُوقَا 9:11

و النّاس، وَكِت ما عِرفو، تِبِعوهو. و هو قِبِلُم و كَلَّمُم عَن مَلَكوت الله، و شَفى المُحتاجين لِلشِّفا.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.