مَرْقُس 4:38 - كِتاب العَهد الجَّديد مِن الكِتاب المُقَدَّس

³⁸ لَكِن هو كان في مؤخِّر المُركَب، نايِم فوق المَخَدَّه. و قَوَّموهو مِن النّوم و قالو ليهو: ”يا مُعَلِّم، ما مُهِم ليك إذا نَموت؟“

مَرْقُس 4:38 Iomraidhean Croise

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

مَتَّى 8:25

و التَّلاميذ قَرَّبو ليهو و قَوَّمو مِن النّوم و قالو: ”خَلِّصنا، يا رَب. نِحنا ماشين نَموت!“

مَرْقُس 4:37

و نَزَلَت هَبوب شَديدَه، و المويَه ضَرَبَت و دَخَلَت في المُركَب حَتّى المُركَب قَرَّبَت تَبقى مَليانَه.

مَرْقُس 4:39

و قام مِن النّوم، و وَبَّخ الهَبوب، و قال لِلبَحَر: ”أسكُت ساكِت.“ و الهَبوب سَكَتَت، و كان في سُكوت كَبير.

لُوقَا 8:24

و جو ليهو و قَوَّموهو مِن النّوم و قالو: ”يا مُعَلِّم، يا مُعَلِّم، نِحنا ماشين نَموت!“ و قام مِن النّوم و وَبَّخ الهَبوب و أمواج البَحَر. و الهَبوب سَكَتَت، و كان في سُكوت.

يُوحَنَّا 4:6

و بير يَعْقُوب كانَت هِناك. و لَمّا يَسُوع كان تَعبان مِن السَّفَر، قَعَد جَمب البير. و كان السّاعَه إتناشَر تَقريباً.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 4:15

عَشان ما عِندَنا رَئيس قُسُس الما بِقدَر يَفهَم و يَرحَم ضعفاتنا. لَكِن عِندَنا واحِد الكان مُجَرَّب في كُلّو حاجَه زيَنا، لَكِن ما عَمَل خَطيَّه.

١ بُطْرُس 5:7

و خُتّو عَليهو كُلّو هُمومكُم، عَشان هو بِهتَم بيكُم.