مَرْقُس 4:24 - كِتاب العَهد الجَّديد مِن الكِتاب المُقَدَّس

²⁴ و قال ليهُم: ”خَلّو بالكُم لِلإنتو تَسمَعو. الكيلَه الإنتو تَدّوها، بِتكون الكيلَه الهُم بِدّوكُم إنتو، و زِيادَه.

مَرْقُس 4:24 Iomraidhean Croise

مَتَّى 7:2

عَلَشان بِزات الحُكم الإنتو تَحكُمو عَلى التّانيين، هُم كَمان بِيَحكُمو عَليكُم. و الكيلَه الإنتو تَدّوها، بِتكون الكيلَه الهُم بِدّوكُم.

مَرْقُس 9:7

و سَحابَه غَطَّتُم، و صوت جا مِن السَّحابَه و قال: ”دا هو إبني الحَبيب. أسمَعو ليهو.“

لُوقَا 8:18

عَلى كِدا، خَلّو بالكُم بِتَسمَعو كيف. عَشان العِندو يَدُّوهو. و الما عِندو، حَتّى البِفتَكِر هو عِندو، يَاخُدوهو مِنّو.“

يُوحَنَّا 10:16

و أنا عِندي خِرفان تانيين، و هُم ما مِن الزَّريبَه دي. ديل كَمان لازِم أجيبُم. و هُم بِسمَعو صوتي. و بَعدين يَكون مُراح واحِد و راعي واحِد.

يُوحَنَّا 10:27

خِرفاني بِسمَعو صوتي، و أنا بَعرِفُم. و هُم يَتبَعوني.

يُوحَنَّا 5:25

الحَق الحَق أقول ليكُم، السّاعَه بِتَجي، و هي هَسَّع، لَمّا المَيِّتين بِسمَعو صوت إبن الله، و البِسمَعو يَعِيشو.

أعمال الرُّسُل 17:11

و ديل كانو أفضَل مِن الفي تَسَالُونِيكِي، عَشان قِبلو الكِلمَه بِكُلّو نَشاط. و كانو كُلّو يوم بِفَتِّشو الكُتُب عَشان يَشوفو إذا الحاجات دي صَحَيحَه.

٢ كُورِنْثُوس 9:6

لَكِن بَقول دا، البِزرَع قَليل، بِلِم قَليل. و البِزرَع بِالبَرَكات، بِلِم بِالبَرَكات كَمان.

عِبرانيين 2:1

عَلَشان كِدا، لازِم نَخَلّي بالنا أكتَر لِلحاجات السِّمِعناها، عَشان ما نَخَلّيها تَمرُق مِنَّنا.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.