مَرْقُس 2:20 - كِتاب العَهد الجَّديد مِن الكِتاب المُقَدَّس

²⁰ و لَكِن الأيام بِجو لَمّا ياخُدو العَريس مِنَّهُم. في اليوم داك بِصومو.

مَرْقُس 2:20 Iomraidhean Croise

مَتَّى 26:31

بَعدين يَسُوع قال ليهُم: ”كُلُّكُم بِتَقَعو اللّيلَه دي عَشانّي. عَشان مَكتوب: أنا بَضرُب الرّاعي، و خِرفان المُراح يِتشَتَّتو.

مَتَّى 9:15

يَسُوع قال ليهُم: ”ناس العِرِس بِقدَرو يَبكو وَكِت ما العَريس مَعاهُم؟ الأيام بِتَجي لَمّا يَشيلو العَريس مِنَّهُم. في الوَكِت داك بِصومو.

مَرْقُس 2:19

و يَسُوع قال ليهُم: ”مُمكِن ناس العِرِس يَصومو و العَريس مَعاهُم؟ وَكِت ما العَريس مَعاهُم، ما مُمكِن يَصومو.

مَرْقُس 2:21

ما في زول يَخَيِّط حِتَّه مِن قُماش جَديد عَلى قُماش قَديم. إذا يَعمِل كِدا، حِتَّت القُماش الجَّديد تَشرُط القَديم، و الشَّرط بِكون أكعَب.

لُوقَا 17:22

و قال لِتَلاميذو: ”أيام بِتَجي لَمّا تَحِبّو تَشوفو يوم واحِد مِن أيام إبن الإنسان، و ما بِتشوفو.

لُوقَا 5:35

و لَكِن الأيام بِتَجي لَمّا ياخُدو العَريس مِنَّهُم. في الأيام ديك بِصومو.“

يُوحَنَّا 12:8

عَشان المَساكين مَعاكُم في كُلّو وَكِت، لَكِن أنا ما مَعاكُم في كُلّو وَكِت.“

يُوحَنَّا 13:33

يا أولادي، أنا مَعاكُم مُدَّه قِصَيرَه بَعَد دا. إنتو بِتفَتِّشو عَلي. و زي ما أنا قُلتَ لِليَهود، بَقول ليكُم: المَحَل الأنا ماشي ليهو، إنتو ما بِتَقدَرو تَجو.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

يُوحَنَّا 17:13

لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي.

يُوحَنَّا 3:29

و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

أعمال الرُّسُل 1:9

و بَعَد ما قال كِدا، إترَفَع لِفوق و وَكِت هُم قاعِدين يَشوفو، سَحابَه أخَدَتو مِن عُيونُم.

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

١ كُورِنْثُوس 7:5

ما تابا واحِد فيكُم التّاني، إلّا يَكون بِإتِّفاق لِوَكِت، عَشان تَدّو نُفوسكُم لِلصَّلاه. و بَعدين تِتلَمّو سَوا مَرَّه تانيَه، عَشان الشّيطان ما يَجَرِّبكُم، لَمّا ما عِندَكُم قُوَّه عَلى نُفوسكُم.

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

٢ كُورِنْثُوس 11:27

في شُغل و تَعب، كُنتَ بِدون نوم مَرّات كَتيرَه، في جوع و عَطَش، صُمتَ مَرّات كَتيرَه، كُنتَ بَردان و عَريان.

٢ كُورِنْثُوس 6:5

في ضَرَبات، و في سُجون، و في دَوشَه، و في تَعب شَديد، و في ليالي بِدون نوم، و في جوع.

رؤيا 19:7

خَلّونا نَفرَح و نَكون مَبسوطين خَلاص و نَمَجِّدو! عَشان عِرِس الحَمَل جا، و عَروستو جَهَّزَت نَفسا.

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“