مَرْقُس 2:17 - كِتاب العَهد الجَّديد مِن الكِتاب المُقَدَّس

¹⁷ و لَمّا يَسُوع سِمِع، قال ليهُم: ”النّاس الشُّداد ما يَحتاجو لِلحَكيم، لَكِن العَيّانين. أنا ما جيت عَشان أنادي البارين، لَكِن الخاطيين.“

مَرْقُس 2:17 Iomraidhean Croise

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

لُوقَا 15:10

و أقول ليكُم، بِكون فَرَح زي دا قِدّام مَلائِكَة الله، بِخاطي واحِد يَتوب.“

لُوقَا 15:29

لَكِن هو رَدَّ و قال لِأبوهو: شوف! أنا إشتَغَلتَ ليك السِنين دي كُلَّها، و ما كَسَرتَ أوَامِرَك أبَداً. و إنتَ ما أدّيتني غَنَمايَه صَغَيرَه عَشان أفرَح مَعَ أصحابي.

لُوقَا 15:7

أقول ليكُم، بِكون فَرَح زي دا في السَّما عَلى خاطي واحِد يَتوب، أكتَر مِن تِسعَه و تِسعين عَديلين ما بِحتاجو لِلتّوبَه.

لُوقَا 16:15

و قال ليهُم: ”إنتو تَبَرِّرو نُفوسكُم قِدّام النّاس. لَكِن الله عارِف قُلوبكُم. عَشان البِكون مَرفوع قِدّام النّاس، الله بِيَكرَهو.

لُوقَا 19:10

عَشان إبن الإنسان جا يَطلُب و يَخَلِّص المَوَدَّر.“

يُوحَنَّا 9:34

رَدّو و قالو ليهو: ”إنتَ كُنتَ مَولود في الخَطايا تَمام، و إنتَ تَعَلِّمنا؟“ و طَرَدوهو بَرَّه.

يُوحَنَّا 9:40

و بَعض مِن الفَرِّيسِيِّين الكانو مَعاهو، سِمِعو و قالو ليهو: ”نِحنا كَمان عَميانين؟“

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 26:20

لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.