مَرْقُس 16:6 - كِتاب العَهد الجَّديد مِن الكِتاب المُقَدَّس

⁶ و هو قال ليهُم: ”ما تَخافو. إنتو تَطلُبو يَسُوع النّاصِري الكان مَصلوب. هو قام. هو ما هِنا. أهو دا المَحَل الخَتّوهو فيهو.

مَرْقُس 16:6 Iomraidhean Croise

مَتَّى 12:40

عَشان زي ما كان يونان في بَطن السَّمَك الكَبيرَه تَلاتَة أيام و تلاتَه لِيال، كِدا يَكون إبن الإنسان في جُوَّه الأرض تَلاتَة أيام و تلاتَه لِيال.

مَرْقُس 1:24

و هو كورَك، و قال: ”مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارِف مِنو إنتَ. إنتَ قُدّوس الله.“

مَرْقُس 1:27

و كُل النّاس إستَغرَبو جِدّاً جِدّاً، و إتكَلَّمو مَعَ بَعض و قالو: ”دا شِنو؟ تَعليم جَديد! بِسُلطَه هو يأمُر الأرواح النَّجسَه و هُم بِسمَعوهو.“

مَرْقُس 10:34

و بِضحَكو عَليهو، و يَبزَقو عَليهو، و يَجلِدوهو، و يَكتُلوهو. و بَعَد تَلاتَة أيام بِقوم.“

مَرْقُس 14:33

و أخَد مَعاهو بُطْرُس و يَعْقُوب و يُوحَنَّا، و إبتَدا يِستَغرَب شَديد خَلاص، و بِقى ليهو ضيق شَديد.

مَرْقُس 9:15

و طَوّالي كُل النّاس لَمّا شافوهو، إستَغرَبو، و جَرو ليهو و سَلَّمو عَليهو.

لُوقَا 24:46

و هو قال ليهُم: ”مَكتوب كِدا إنّو المَسيح لازِم يِتوَجَّع و يَقوم مِن بين المَيِّتين في اليوم التّالِت.

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.

أعمال الرُّسُل 4:10

خَلّي دا يَكون مَعروف لِكُلُّكُم و كُلّو ناس إِسْرَائِيل. بِإسم يَسُوع المَسيح النّاصِري، الإنتو صَلَبتوهو، لَكِن الله قَوَّمو مِن بين المَيِّتين، بيهو الرّاجِل دا واقِف قِدّامكُم بِعافيَه تَمام.