مَرْقُس 14:20 - كِتاب العَهد الجَّديد مِن الكِتاب المُقَدَّس

²⁰ قال ليهُم: ”هو واحِد مِن الإتناشَر، اليَدَخِّل إيدو مَعاي في الصَّحَن.

مَرْقُس 14:20 Iomraidhean Croise

مَتَّى 26:23

و رَدَّ و قال ليهُم: ”الزّول الدَّخَل إيدو في الصَّحَن مَعاي، هو بِسَلِّمني.

مَتَّى 26:47

و وَكِت ما هو لِسَّع يتكَلَّم، يَهُوذَا، واحِد مِن الإتناشَر، وِصِل. و جَماعَه كَتيرَه كانو مَعاهو شايلين سُيوف و عَصايات، مُرَسَّلين مِن القُسُس الكُبار و شُيوخ النّاس.

مَرْقُس 14:19

و إبتَدو يَكونو حَزنانين و يَقولو ليهو واحِد وَرا واحِد: ”أنا هو؟“

مَرْقُس 14:21

عَشان إبن الإنسان يَمشي، زي ما مَكتوب عَنّو. و لَكِن مُصيبَه لِلزّول داك اليَسَلِّم إبن الإنسان. كان أحسَن لِلرّاجِل داك إذا ما كان مَولود.“

مَرْقُس 14:43

و طَوّالي، وَكِت ما كان لِسَّع يتكَلَّم، يَهُوذَا جا، و هو واحِد مِن الإتناشَر، و مَعاهو ناس كُتار بِسُيوف و عَصايات. و هُم جو مِن القُسُس الكُبار، و مُعَلِّمين القانون، و الشُّيوخ.

لُوقَا 22:47

و وَكِت ما كان يتكَلَّم، جو ناس كُتار. و مَعاهُم راجِل إسمو يَهُوذَا، واحِد مِن الإتناشَر، ماشي قِدّامُم. هو قَرَّب لِيَسُوع عَشان يَسَلِّم عَليهو بِبوسَه.

يُوحَنَّا 13:26

يَسُوع رَدَّ عَليهو و قال: ”الزّول البَدّيهو حِتَّت العيش لَمّا دَخَّلتو في المُلاح، دا هو.“ بَعدين يَسُوع دَخَّل العيش في المُلاح و أدّاهو لِيَهُوذَا إبن سِمْعَان الإِسْخَرْيُوطِي.

يُوحَنَّا 6:71

و هو كان بِتكَلَّم عَن يَهُوذَا إبن سِمْعَان الإِسْخَرْيُوطِي، عَشان هو كان واحِد مِن الإتناشَر، و كان ماشي يَسَلِّمو.