مَرْقُس 13:9 - كِتاب العَهد الجَّديد مِن الكِتاب المُقَدَّس

⁹ لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

مَرْقُس 13:9 Iomraidhean Croise

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَرْقُس 1:44

و قال ليهو: ”شوف ما تَكَلِّم أي حاجَه لِأي زول أبَداً. لَكِن أمشي، و وَرّي نَفسَك لِلقَسّيس، و قَدِّم الضَّبيحَه عَلَشانَك بِقيت نَضيف، زي ما أمَر مُوسَى، عَشان شَهادَه لِلنّاس.“

مَرْقُس 13:5

و يَسُوع إبتَدا يَقول ليهُم: ”خَلّو بالكُم عَشان واحِد ما بِغِشّكُم.

مَرْقُس 13:8

عَشان أُمَّه بِتقوم عَلى أُمَّه و مَملَكَه عَلى مَملَكَه. و بِتكون في زَلازِل في مَحَلّات مُختَلِفَه. و بِكون جوع. دي بِدايَة الأوجاع.

مَرْقُس 6:11

و إذا أي مَحَل ما يَقبَلكُم، و النّاس يابو يَسمَعو ليكُم، هِزّو التُّراب مِن رِجلينكُم لَمّا تَمرُقو، عَشان شَهادَه عَليهُم.“

لُوقَا 9:5

و كُل الما يَقبَلوكُم، لَمّا تَمرُقو مِن البَلَد ديك، هِزّو التُّراب مِن عَلى رِجلينكُم عَشان شَهادَه عَليهُم.“

يُوحَنَّا 15:20

إتزَكَّرو الكَلام القُلتو ليكُم: الخَدّام ما أكبَر مِن سيدو. إذا طَرَدوني، هُم ماشين بِطرُدوكُم. و إذا كانو حَفَظو كَلامي، هُم بِحفَظو كَلامكُم.

يُوحَنَّا 16:2

هُم بِطرُدوكُم مِن بُيوت الرَّب. لَكِن ساعَه بِتَجي، فيها أي واحِد البِكتُلكُم يَفتَكِر هو بِخدِم الله.

أعمال الرُّسُل 21:11

و جا لينا و أخَد حِزام بُولُس، و رَبَط بيهو إيدينو و رِجلينو و قال: الرّوح القُدُس يَقول: ”كِدا، اليَهود في أُورُشَلِيم ماشين يَربُطو الرّاجِل، سيد الحِزام دا، و بِسَلِّموهو لِإيدين الأُمَم.“

أعمال الرُّسُل 7:54

و لَمّا سِمِعو دا، كانو زَعلانين كَتير خَلاص، و عَضو بِسِنونُم عَليهو.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

٢ تَسَالُونِيكِي 1:5

عَشان دا يَبَيِّن حُكم الله العَديل. و عَشان كِدا، يَعمِلكُم مُستَحِقّين لِمَلَكوت الله، الإنتو بِتَتعَبو فِشانو كَمان.

٢ يُوحَنَّا 1:8

شوفو نُفوسكُم عَشان ما تَوَدِّرو الإشتَغَلنا ليهو، لَكِن تَقبَلو أُجرَه تَمام.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.