مَرْقُس 13:26 - كِتاب العَهد الجَّديد مِن الكِتاب المُقَدَّس

²⁶ في الوَكِت داك، بِشوفو إبن الإنسان جاي في سَحاب بِقُوَّه كَبيرَه و بِمَجد.

مَرْقُس 13:26 Iomraidhean Croise

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَتَّى 24:30

و في الوَكِت داك، عَلامَة إبن الإنسان بِتَظهَر في السَّما، و كُلّو قَبايل الدُّنيا بِبكو. و بِشوفو إبن الإنسان جاي عَلى سَحاب السَّما، بِقُوَّه و مَجد عَظيم.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَرْقُس 14:62

و يَسُوع قال: ”أنا هو. و إنتو بِتشوفو إبن الإنسان قاعِد عَن يَمين القُدرَه و جاي في سَحاب السَّما.“

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

مَرْقُس 9:1

و قال ليهُم: ”أقول ليكُم الحَق، بَعَض مِن النّاس الواقفين هِنا ما بِضوقو الموت لِغايَة ما بِشوفو مَلَكوت الله جاي بِقُوَّه.“

لُوقَا 21:27

و في الوَكِت دا، بِشوفو إبن الإنسان جاي في السَّحابَه بِقُدرَه و بِمَجد عَظيم.

أعمال الرُّسُل 1:11

و قالو: ”يا رُجال الجَّليل، مالكُم واقفين بِتعايِنو لِلسَّما؟ يَسُوع دا نَفسو الإترَفَع مِنَّكُم لِلسَّما، هو بِرجَع زي ما شُفتوهو ماشي لِلسَّما.“

١ تَسَالُونِيكِي 4:16

عَشان الرَّب نَفسو بِنزِل مِن السَّما، و عِندو كِلمَة الأمر، و صوت رَئيس مَلائكَه، و بوق الله. و المَيِّتين في المَسيح بِقومو في الأوَّل.

٢ بُطْرُس 1:16

عَشان نِحنا ما تَبَعنا حِكايات شاطرَه لَمّا عَلَّمناكُم عَن قُدرَة رَبَّنا يَسُوع المَسيح و كيف هو بِجي. لَكِن نِحنا بِعُيونَنا شُفنا مَجدو.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.