مَرْقُس 13:22 - كِتاب العَهد الجَّديد مِن الكِتاب المُقَدَّس

²² عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

مَرْقُس 13:22 Iomraidhean Croise

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 7:15

خَلّو بالكُم مِن الأنبياء الكَضّابين، البِجوكُم بِهِدوم الخِرفان، و لَكِنَّهُم مِن جُوَّه مَرافعين جَعانين جِدّاً.

مَرْقُس 13:21

و في الوَكِت داك، إذا واحِد بِقول ليكُم: شوفو! أهو دا المَسيح! ولّا: شوفو! هو هِناك! ما تَصَدِّقوهو.

مَرْقُس 13:23

و لَكِن خَلّو بالكُم، أنا خَبَّرتَكُم بِكُلّو شي مِن قُبّال.

مَرْقُس 13:6

ناس كُتار بِجو بِإسمي و بِقولو: أنا هو! و هُم بِغِشّو ناس كَتيرين.

يُوحَنَّا 4:48

و يَسُوع قال ليهو: ”إنتو ما بِتآمِنو أبَداً إذا ما تَشوفو عَلامات و عَجايِب.“

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

١ يُوحَنَّا 2:26

أكتِب دا ليكُم عَن البِغِشّوكُم.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.