مَرْقُس 10:43 - كِتاب العَهد الجَّديد مِن الكِتاب المُقَدَّس

⁴³ و لَكِن ما يَكون بينكُم زي دا. لَكِن العاوِز يَبقى كَبير بينكُم، لازِم يَكون خَدّام ليكُم.

مَرْقُس 10:43 Iomraidhean Croise

مَرْقُس 10:42

و يَسُوع ناداهُم ليهو و قال ليهُم: ”إنتو عارفين أن ديل المَعروفين يَكونو حُكّام الأُمَم، هُم يَعمِلو زي السَّيد عَليهُم. و الكُبار يَشتَغِلو بِسُلطَه عَليهُم.

مَرْقُس 10:44

و العاوِز يَبقى الأوَّل بينكُم، لازِم يَكون عَبد لِلكُل.

مَرْقُس 9:35

و هو قَنَّب، و نادى الإتناشَر، و قال ليهُم: ”إذا واحِد عاوِز يَبقى الأوَّلاني، لازِم يَبقى آخِر الكُل و خَدّام لِلكُل.“

لُوقَا 14:11

عَشان كُل البِرفَع نَفسو، بِنَزِّلوهو تِحِت. و البِنّزِّل نَفسو تِحِت، بِرفَعوهو فوق.“

لُوقَا 18:14

بَقول ليكُم: الزّول دا مَشى لِبيتو مَبَرَّر عَن التّاني، عَشان كُلّو واحِد اليَرفَع نَفسو يَخُتّوهو تِحِت، و اليَخُت نَفسو تِحِت يَرفَعوهو.“

لُوقَا 22:26

لَكِن إنتو ما تَكونو كِدا. لَكِن الأكبَر فيكُم، خَليهو يَبقى زي الأصغَر، و الرَّئيس زي الخَدّام.

لُوقَا 9:48

و قال ليهُم: ”البِقبَل الوَلَد دا بِإسمي، بِقبَلني. و البِقبَلني، بِقبَل الرَّسَّلني. عَلى كِدا، الأصغَر فيكُم، دا هو الكَبير.“

يُوحَنَّا 18:36

يَسُوع قال ليهو: ”مَلَكوتي ما مِن الدُّنيا دي. إذا مَلَكوتي مِن الدُّنيا دي، خَدّاميني بِحارِبو، عَشان ما بَتسَلَّم لِليَهود. لَكِن هَسَّع مَلَكوتي ما مِن الدُّنيا.“

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.