مَرْقُس 10:2 - كِتاب العَهد الجَّديد مِن الكِتاب المُقَدَّس

² و الفَرّيسيّين قَرَّبو ليهو عَشان يَجَرِّبوهو و سألوهو: ”بِالقانون لِلرّاجِل يَطَلِّق مَرَتو؟“

مَرْقُس 10:2 Iomraidhean Croise

مَتَّى 15:12

بَعدين التَّلاميذ قَرَّبو ليهو و قالو ليهو: ”بِتَعرِف الفَرِّيسِيِّين كانو زَعلانين لَمّا سِمِعو الكَلام دا؟“

مَتَّى 16:1

و الفَرّيسيّين و الصَّدّوقيين قَرَّبو ليهو و جّرَّبوهو. و سألوهو عَشان يَوَرّيهُم عَلامَه مِن السَّما.

مَتَّى 19:3

و الفَرّيسيّين قَرَّبو ليهو عَشان يَجَرِّبوهو، و قالو: ”القانون بِخَلّي راجِل يَطَلِّق مَرَتو لِكُلّو سَبَب؟“

مَتَّى 22:35

و واحِد مِنَّهُم، و هو قاضي القانون، سَألو عَشان يَجَرِّبو.

مَتَّى 23:13

و لَكِن حُزن ليكُم، يا مُعَلِّمين القانون و الفَرّيسيّين، يا مُنافِقين! عَلَشان إنتو بِتَقفِلو مَلَكوت السَّما قِدّام النّاس. عَشان إنتو نُفوسكُم ما تَدخُلو، و لا تَخَلّو النّاس الدّاخِلين يدخُلو.

مَتَّى 9:34

لَكِن الفَرِّيسِيِّين قالو: ”هو بِطَلِّع الشّياطين بِرَئيس الشّياطين.“

مَرْقُس 10:1

و يَسُوع مَرَق، و مَشى لِمَحَل اليَهُودِيَّه و غادي الأُرْدُنّ. و ناس كُتار إتلَمّو ليهو، و كان يَعَلِّمُم كَمان زي عادَتو.

مَرْقُس 10:3

رَدَّ عَليهُم و قال: ”مُوسَى أمَركُم بِشِنو؟“

مَرْقُس 8:11

و الفَرّيسيّين جو و إبتَدو يَسألوهو، و طَلَبو مِنّو عَلامَه مِن السَّما، عَشان يَجَرِّبوهو.

مَرْقُس 8:15

و هو حَزَّرُم و قال: ”خَلّو بالكُم، و أحرِسو مِن خَميرَة الفَرِّيسِيِّين و خَميرَة هِيرُودُس.“

لُوقَا 11:39

و الرَّب قال ليهو: ”إنتو، يا فَرّيسيِّين، بِتنَضِّفو الفِنجان و الصَّحَن مِن بَرَّه. و لَكِن مِن جُوَّه، إنتو ناس طَمّاعين و شَرّيرين.

لُوقَا 16:14

و الفَرّيسيّين سِمِعو دا كُلّو، و هُم كانو بِحِبّو المال، و ضِحِكو عَليهو.

لُوقَا 5:30

و الفَرّيسيّين و مُعَلِّمين القانون نَقنَقو عَلى تَلاميذو و قالو: ”لِشِنو بِتاكلو و بِتَشرَبو مَعَ البِلِمّو الضَّريبَه و الخاطيين؟“

لُوقَا 6:7

و كانو مُعَلِّمين القانون و الفَرّيسيّين يَعاينو ليهو عَشان يَشوفو إذا هو يَشفي في السَّبِت، عَشان يَلقو كيف يَشتَكوهو.

لُوقَا 7:30

و لَكِن الفَرِّيسِيِّين و مُعَلِّمين القانون رَفَضو إرادَة الله فِشانُم، و يُوحَنَّا ما عَمَّدُم.

يُوحَنَّا 11:47

عَشان كِدا، القُسُس الكُبار و الفَرّيسيّين جَمَعو المَجِلس و قالو: ”بِنَعمِل شِنو؟ عَلَشان الرّاجِل دا قاعِد يَعمِل عَلامات كَتيرَه.

يُوحَنَّا 11:57

و القُسُس الكُبار و الفَرّيسيّين أدّو أمر، إذا أي واحِد عِرِف هو وين، لازِم يَخَبِّرُم عَشان يَمسِكوهو.

يُوحَنَّا 7:32

و الفَرّيسيّين سِمِعو أن النّاس يِتكَلَّمو عَنّو، و القُسُس الكُبار و الفَرّيسيّين رَسَّلو حُرّاس عَشان يَمسِكوهو.

يُوحَنَّا 7:48

في واحِد مِن الرّؤساء ولّا مِن الفَرِّيسِيِّين آمَن بيهو؟

يُوحَنَّا 8:6

هُم قالو كِدا عَشان يَجَرِّبوهو، عَشان يَكون عِندَهُم سَبَب بِشتَكوهو بيهو. لَكِن يَسُوع دَنقَر، و كَتَب بِأصبَعو في الأرض.

١ كُورِنْثُوس 10:9

ما نَجَرِّب الرَّب، زي بَعض مِنَّهُم جّرَّبوهو، و الدَّبايب كَتَلوهُم.