مَرْقُس 10:1 - كِتاب العَهد الجَّديد مِن الكِتاب المُقَدَّس

¹ و يَسُوع مَرَق، و مَشى لِمَحَل اليَهُودِيَّه و غادي الأُرْدُنّ. و ناس كُتار إتلَمّو ليهو، و كان يَعَلِّمُم كَمان زي عادَتو.

مَرْقُس 10:1 Iomraidhean Croise

مَتَّى 26:55

في السّاعَه ديك، يَسُوع قال لِلجُّموع: ”جيتو بِسُيوف و عَصايات عَشان تَقبُضو عَلي زي ما أنا حَرامي؟ كُلّو يوم كُنتَ قاعِد في الهيكَل بَعِلِّم النّاس، و إنتو ما مَسَكتوني.

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَرْقُس 1:21

و مَشو لِكَفْرَنَاحُوم. و طَوّالي في يوم السَّبِت دَخَل بيت الرَّب و بِقى يَعَلِّم.

مَرْقُس 10:2

و الفَرّيسيّين قَرَّبو ليهو عَشان يَجَرِّبوهو و سألوهو: ”بِالقانون لِلرّاجِل يَطَلِّق مَرَتو؟“

مَرْقُس 12:35

و وَكِت ما يَسُوع كان يَعَلِّم في الهيكَل، قال: ”كيف يَقولو مُعَلِّمين القانون أن المَسيح هو إبن دَاوُد؟

مَرْقُس 14:49

كُنتَ مَعاكُم كُلّو يوم بَعِلِّم في الهيكَل، و إنتو ما مَسَكتوني. و لَكِن لازِم الكُتُب تَتِم.“

مَرْقُس 2:13

و مَرَق مَرَّه تانيَه لِجَمب البَحَر. و كُل النّاس جو ليهو، و هو كان يَعَلِّمُم.

مَرْقُس 4:2

و عَلَّمُم حاجات كَتيرَه بِأمثال. و في تَعليمو قال ليهُم،

مَرْقُس 6:2

و لَمّا كان يوم السَّبِت، إبتَدا يَعَلِّم في بيت الرَّب. و ناس كُتار لَمّا سِمِعوهو، إستَغرَبو و قالو: ”الرّاجِل دا إتعَلَّم كُلّو دا مِن وين؟ شِنو الحِكمَه الأدّوها ليهو؟ حَتّى يَقدَر يَعمِل الأعمال القَوّيَّه دي بِإيدو!

مَرْقُس 6:34

و لَمّا يَسُوع طَلَع، هو شاف ناس كُتار، و حَنَّه عَليهُم، فِشان هُم زي خِرفان بِدون راعي. و بِقى يَعَلِّمُم حاجات كَتيرَه.

مَرْقُس 6:6

و هو إستَغرَب عَشان هُم كانو بِدون إيمان. و مَشى مِن حِلَّه لِحِلَّه و عَلَّم النّاس.

يُوحَنَّا 10:40

و رَجَع كَمان لِلطَّرف التّاني لِلأُرْدُنّ، لِلمَكان اليُوحَنَّا كان بِعَمِّد فيهو في الأوَّل، و قَعَد هِناك.

يُوحَنَّا 11:7

و بَعَد كِدا، هو قال لِتَلاميذو: ”تَعالو، نَمشي تاني لِليَهُودِيَّه.“

يُوحَنَّا 18:20

و يَسُوع قال ليهو: ”أنا إتكَلَّمتَ قِدّام النّاس. و أنا عَلَّمتَ كُلّو وَكِت في بُيوت الرَّب و في الهيكَل، المَكان البِلِمّو فيهو كُل اليَهود. و ما إتكَلَّمتَ أي شي بِالسِّر.