مَرْقُس 1:5 - كِتاب العَهد الجَّديد مِن الكِتاب المُقَدَّس

⁵ و كُل النّاس مِن بِلاد اليَهُودِيَّه مَرَقو ليهو، و كُلّو ناس أُورُشَلِيم. و كانو يِتعَمَّدو مِنّو في بَحَر الأُرْدُنّ، و كانو يَطَلِّعو خَطاياهم.

مَرْقُس 1:5 Iomraidhean Croise

مَتَّى 4:25

و ناس كَتيرين تِبِعوهو مِن الجَّليل و العَشَرَه مُدُن، و أُورُشَلِيم و اليَهُودِيَّه و مِن فوق الأُرْدُنّ.

مَرْقُس 1:4

يُوحَنَّا المَعمَدان ظَهَر في الخَلا، و كان يَبَشِّر بِمَعموديَّة التّوبَه لِغُفران الخَطايا.

مَرْقُس 1:6

و يُوحَنَّا كان يَلبَس هِدوم مِن شَعر الجَّمَل، و يَربُط حِزام مِن جِلد في وَسطو، و ياكُل جِراد و عَسَل الخَلا.

يُوحَنَّا 1:28

و دا كان في بيت عَنيا جَمب بَحَر الأُرْدُنّ، المَحَل الكان يُوحَنَّا بِعَمِّد فيهو.

يُوحَنَّا 3:23

و يُوحَنَّا كَمان كان بِعَمِّد في عينوم قَريب مِن ساليم، عَشان مويَه كَتيرَه كانَت هِناك. و ناس كانو يَجو و يِتعَمَّدو.

يُوحَنَّا 5:35

يُوحَنَّا كان اللَّمبَه المِوَلِّعَه البِتَدّي نور. و إنتو كُنتو رَضيانين تَفرَحو بِنورو لِوَكِت قَليل.

أعمال الرُّسُل 19:18

و كَتيرين مِن الآمَنو كانو بِجو، و يَعتَرِفو و يَخَبِّرو بِأعمالُم.

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

يَعْقُوب 5:16

فِشان كِدا، إعتَرِفو بَعضَكُم لِبَعض بِغَلطاتكُم، و صَلّو بَعضَكُم عَشان خاطِر بَعض، عَشان الله يَشفيكُم. طَلَب البار عِندو قُوَّه كَتيرَه في عَمَلو.