مَرْقُس 1:27 - كِتاب العَهد الجَّديد مِن الكِتاب المُقَدَّس

²⁷ و كُل النّاس إستَغرَبو جِدّاً جِدّاً، و إتكَلَّمو مَعَ بَعض و قالو: ”دا شِنو؟ تَعليم جَديد! بِسُلطَه هو يأمُر الأرواح النَّجسَه و هُم بِسمَعوهو.“

مَرْقُس 1:27 Iomraidhean Croise

مَتَّى 15:31

حَتّى النّاس إستَغرَبو لَمّا شافو النّاس الما بِتكَلَّمو، و النّاس الكانو بِيَمشو بِعَصايَه بِقو طَيبين، و العُرُج بِمشو، و العَميانين بِشوفو. و هُم مَجَّدو الله بِتاع إِسْرَائِيل.

مَتَّى 8:9

عَشان أنا كَمان راجِل تِحِت السُّلطَه، و عِندي عَساكِر تِحِت سُلطَتي. أقول لِدا: أمشي، و هو يَمشي، و لِتاني: تَعال، و هو يَجي، و لِخَدّامي: أعمِل دا، و هو يَعمِلو.“

مَتَّى 9:33

و بَعَد ما طَلَّع الشّيطان، الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“

مَرْقُس 1:26

و روح النَّجِس هَزّو شَديد، و كورَك بِصوت عالي، و طَلَع مِنّو.

مَرْقُس 1:28

و طَوّالي الخَبَر عَنّو مَشى لِكُلّو بِلاد الجَّليل.

مَرْقُس 10:24

و التَّلاميذ إستَغرَبو مِن كَلامو. لَكِن يَسُوع قال ليهُم كَمان: ”يا أولادي، دُخول مَلَكوت الله صَعب جِدّاً!

مَرْقُس 10:32

و كانو في السِّكَّه، و يَطلَعو لِأُورُشَلِيم. و يَسُوع كان ماشي قِدّامُم. و كانو يِستَغرَبو، و هُم التَّبَعوهو كانو خايفين. و يَسُوع أخَد الإتناشَر مَرَّه تانيَه، و إبتَدا يَقول ليهُم عَن البِحصَل ليهو.

مَرْقُس 16:5

و دَخَلو القَبر، و شافو شاب قاعِد عَلى اليَمين، و لابِس توب أبيَض. و خافو جِدّاً.

مَرْقُس 16:6

و هو قال ليهُم: ”ما تَخافو. إنتو تَطلُبو يَسُوع النّاصِري الكان مَصلوب. هو قام. هو ما هِنا. أهو دا المَحَل الخَتّوهو فيهو.

مَرْقُس 7:37

و النّاس كانو بِستَغرَبو جِدّاً جِدّاً، و قالو: ”هو عَمَل كُلّو شي تَمام. هو يَعمِل الطُّرُش يَسمَعو و البُكُم يِتكَلَّمو!“

لُوقَا 4:36

و كُلَّهُم إتعَجَّبو، و إتكَلَّمو بَعضَهُم لِبَعض و قالو: ”الكَلام دا شِنو؟ عَشان بِسُلطَه و قُدرَه يأمُر الأرواح النَّجسَه، و هُم يَمرُقو.“

لُوقَا 9:1

و نادى تَلاميذو الإتناشَر و أدّاهُم قُدرَه و سُلطَه عَلى الشّياطين و عَشان يَشفو المَرضانين.

أعمال الرُّسُل 17:19

و أخَدوهو و جابوهو لِأريوس باغوس و قالو: ”مُمكِن نَعرِف التَّعليم الجَّديد دا شِنو، الأنتَ تِتكَلَّم بيهو؟