مَتَّى 9:4 - كِتاب العَهد الجَّديد مِن الكِتاب المُقَدَّس

⁴ لَكِن يَسُوع عِرِف أفكارُم و قال: ”لِشِنو تِتفَكَّرو فِكر بَطّال في قُلوبكُم؟

مَتَّى 9:4 Iomraidhean Croise

مَتَّى 12:25

و يَسُوع عِرِف أفكارُم و قال ليهُم: ”كُلّو مَملَكَه مِنقَسمَه عَلى نَفسا بِتَخسَر. و كُلّو مَدينَه ولّا بيت مِنقَسِم عَلى نَفسو ما بِكون ثابِت.

مَرْقُس 12:15

نَدّيها ولّا ما نَدّيها؟“ و لَكِن يَسُوع عِرِف نِفاقُم، و قال ليهُم: ”لِشِنو تَجَرِّبوني؟ جيبو لَي دينار عَشان أشوفو.“

مَرْقُس 2:8

و طَوّالي يَسُوع، و هو عِرِف في روحو إنَّهُم فَكَّرو كِدا في نُفوسُم، قال ليهُم: ”لِشِنو تَفَكِّرو كِدا في قُلوبكُم؟

لُوقَا 11:17

لَكِن هو عِرِف أفكارُم و قال ليهُم: ”كُلّو مَملَكَه مِنقَسمَه عَلى نَفسا بِتَخَرَّب، و بيت مِنقَسِم عَلى بيت بِقَع.

لُوقَا 5:22

و يَسُوع، لَمّا عِرِف أفكارُم، رَدَّ و قال ليهُم: ”لِشِنو بِتفَكَّرو بِدا في قُلوبكُم؟

لُوقَا 6:8

لَكِن هو عِرِف أفكارُم، و قال لِلرّاجِل الإِيدو يابسَه: ”قوم و قيف في الوَسِط.“ و هو قام و وَقَف.

لُوقَا 7:40

و رَدَّ يَسُوع و قال ليهو: ”يا سِمْعَان، عِندي حاجَه أقولا ليك.“ و قال: ”قول، يا مُعَلِّم.“

يُوحَنَّا 16:19

يَسُوع عِرِف هُم عاوزين يَسألوهو. و عَشان كِدا قال ليهُم: ”إنتو بِتَسألو بينكُم عَن دا؟ عَشان أنا قُلتَ: بَعَد شوَيَه ما بِتشوفوني، و بَعَد شوَيَه كَمان بِتشوفوني؟

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

يُوحَنَّا 6:61

لَكِن يَسُوع عِرِف في نَفسو إنّو تَلاميذو بِنَقنِقو عَن دا، و قال ليهُم: ”الكَلام دا بِخَلّيكُم تَقَعو؟

يُوحَنَّا 6:64

لَكِن بَعض مِنَّكُم ما بِآمِنو أبَداً.“ عَشان هو عِرِف مِن الأوَّل مِنو هُم البِآمِنو، و مِنو الماشي يَنكِرو.

أعمال الرُّسُل 5:9

و بُطْرُس قال ليها: ”مالكُم؟ كيف إتَّفَقتو عَلى تَجرِبَة روح الرَّب؟ شوفي! الرُّجال الدَّفَنو راجلِك عَلى الباب، و هُم بِشيلوكي بَرَّه.“

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.