مَتَّى 9:22 - كِتاب العَهد الجَّديد مِن الكِتاب المُقَدَّس

²² يَسُوع إتلَفَت و شافا و قال: ”شِدّي حيلِك، يا بِتّي، بِقيتي طَيبَه عَشان إيمانِك.“ و المَرَه بِقَت شَديدَه مِن السّاعَه ديك.

مَتَّى 9:22 Iomraidhean Croise

مَتَّى 15:28

بَعدين يَسُوع رَدَّ عَليها و قال: ”يا سِت، إيمانِك عَظيم. خَليهو بِكون ليكي زي ما إنتي عاوزَه.“ و بِتّا بِقَت تَمام مِن السّاعَه ديك.

مَتَّى 17:18

و يَسُوع كَلَّمو شَديد، و الشّيطان طَلَع مِنّو. و الوَلَد بِقى طَيب طَوّالي.

مَتَّى 8:13

بَعدين يَسُوع قال لِرَئيس الجّيش: ”أمشي. بِكون ليك زي ما صَدَّقتَ.“ و الخَدّام بِقى طَيب في نَفس الوَكِت دا.

مَتَّى 9:2

و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك مَغفورَه ليك.“

مَتَّى 9:29

بَعدين لِمِس عُيونُم و قال: ”زي إيمانكُم يَكون ليكُم.“

مَرْقُس 10:52

و قال ليهو: ”أمشي، إيمانَك شَفاك.“ و طَوّالي قِدِر يَشوف، و تَبَع يَسُوع في الدَرِب.

مَرْقُس 5:34

و قال ليها: ”يا بِتّي، إيمانِك شَفاكي. أمشي بِالسَّلام. كوني طَيبَه مِن العَيى.“

لُوقَا 17:19

و قال ليهو: ”قوم و أمشي. إيمانَك شَفاك.“

لُوقَا 18:42

و يَسُوع قال ليهو: ”شوف! إيمانَك شَفاك.“

لُوقَا 7:50

و يَسُوع قال لِلمَرَه: ”إيمانِك خَلَّصِك. أمشي بِالسَّلام.“

لُوقَا 8:48

و قال ليها: ”يا بِتّي، إيمانِك شَفاكي. أمشي بِالسَّلام.“

يُوحَنَّا 4:53

و الأبو عِرِف دا حَصَل في نَفس السّاعَه الفيها يَسُوع قال ليهو: ”وَلَدَك حَي.“ و هو آمَن، و كُلّو أهل بيتو.

أعمال الرُّسُل 14:9

و هو سِمِع بُولُس يتكَلَّم. و بُولُس عايَن ليهو، و شاف إنّو عِندو إيمان لِلشِّفا.

أعمال الرُّسُل 16:18

و هي عَمَلَت كِدا أيام كَتيرَه، حَتّى بُولُس تِعِب كَتير مِن دا، و إتلَفَت و قال لِلرّوح: ”أنا آمُرَك بِإسم يَسُوع المَسيح، أمرُق مِنَّها.“ و مَرَق في الدَّقيقَه ديك.

عِبرانيين 4:2

و هُم بَشَّرونا بِالإنجيل زي ما بِشَّرو ديل، لَكِن الكِلمَه الهُم سِمِعوهو ما كانَت عِندَها فايدَه ليهُم. و دا عَلَشان ديل السِّمِعوهو ما لَخبَطوها بِالإيمان.