مَتَّى 9:2 - كِتاب العَهد الجَّديد مِن الكِتاب المُقَدَّس

² و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك مَغفورَه ليك.“

مَتَّى 9:2 Iomraidhean Croise

مَتَّى 14:27

لَكِن طَوّالي يَسُوع كَلَّمُم و قال: ”شِدّو حيلكُم. أنا هو. ما تَخافو.“

مَتَّى 4:24

و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

مَتَّى 6:12

و أغفِر لينا خَطايانا زي ما نِحنا كَمان غَفَرنا لِليَخطو لينا.

مَتَّى 8:10

و لَمّا يَسُوع سِمِعو، إستَغرَب، و قال لِلنّاس الكانو يَتبَعوهو: ”الحَق أقول ليكُم، أنا ما لِقيت و لا واحِد في إِسْرَائِيل عِندو إيمان زي دا.

مَتَّى 8:16

و في المِسا جابو ليهو كَتيرين كانو بيهُم شياطين. و هو طَلَّع الشّياطين بِكِلمَه، و شَفى كُل العَيّانين،

مَتَّى 9:22

يَسُوع إتلَفَت و شافا و قال: ”شِدّي حيلِك، يا بِتّي، بِقيتي طَيبَه عَشان إيمانِك.“ و المَرَه بِقَت شَديدَه مِن السّاعَه ديك.

مَتَّى 9:5

ياتو هَين، أن يَقول: خَطاياك مَغفورَه ليك؟ ولّا يَقول: قوم، و أمشي؟

مَتَّى 9:6

و لَكِن حَتّى بِتَعرِفو إبن الإنسان عِندو سُلطَه عَلى الأرض أن يَغفِر الخَطايا“... بَعدين قال لِلمَفلوج: ”قوم، شيل بِرشَك، و أمشي لِبيتَك.“

مَرْقُس 1:32

و في المِسا، بَعَد المَغرِب، النّاس جابو ليهو كُل العَيّانين و كُل الفيهُم شياطين.

مَرْقُس 10:49

و يَسُوع وَقَف و قال: ”نادوهو.“ و نادو العَميان و قالو ليهو: ”شِد حيلَك. قوم، هو بِناديك.“

مَرْقُس 5:34

و قال ليها: ”يا بِتّي، إيمانِك شَفاكي. أمشي بِالسَّلام. كوني طَيبَه مِن العَيى.“

مَرْقُس 6:50

عَلَشان كُلُّهُم شافوهو و كانو خايفين جِدّاً. لَكِن طَوّالي كَلَّمُم و قال ليهُم: ”شِدّو حيلكُم. أنا هو. ما تَخافو.“

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 2:25

و عَشان هو ما كان مُحتاج لِأي زول يَشهَد عَنّو. عَشان هو نَفسو عِرِف الجّوَّه الإنسان.

يُوحَنَّا 21:5

و يَسُوع قال ليهُم: ”يا أولاد، عِندَكُم سَمَك؟“ رَدّو عَليهو: ”لا.“

أعمال الرُّسُل 14:9

و هو سِمِع بُولُس يتكَلَّم. و بُولُس عايَن ليهو، و شاف إنّو عِندو إيمان لِلشِّفا.

أعمال الرُّسُل 19:12

حَتّى كانو ياخُدو لِلعَيّانين مَناديل و مَريَلات مِن جِسمو. و هُم بِقو طَيبين مِن أمراضُم، و الأرواح الشَّرّيرَه مَرَقو مِنَّهُم.

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

رُومِيَه 5:11

و ما دا بَس، لَكِن نَفرَح بِالله بِرَبَّنا يَسُوع المَسيح، و هَسَّع بيهو بِقينا مُصالِحين.

يَعْقُوب 2:18

لَكِن واحِد بِقول: ”إنتَ عِندَك إيمان و أنا عِندي أعمال. وَرّيني إيمانَك بِدون أعمال، و أنا بَوَرّيك إيماني بِأعمالي.“