مَتَّى 9:17 - كِتاب العَهد الجَّديد مِن الكِتاب المُقَدَّس

¹⁷ و كَمان ما بِخُتّو خَمرَه جَديدَه في قِربَه قَديمَه. إذا يَعمِلو كِدا، القِربَه تِتشَرَّط، و الخَمرَه تِتدَفَّق و القِربَه تَخسَر. لَكِن بِخُتّو خَمرَه جَديدَه في قِربَه جَديدَه، و كِدا كُلَّها بِتكون مَحفوظَه.“

مَتَّى 9:17 Iomraidhean Croise

مَتَّى 9:16

ما في زول بِخُت حِتَّت قُماش جَديد عَلى توب قَديم، فِشان الرُقعَه تاخُد مِن التّوب، و الشَّرط بِكون أكبَر.

مَتَّى 9:18

و وَكِت ما كان يَكَلِّمُم بِدا، شوف! واحِد رَئيس قَرَّب ليهو و رَكَع قِدّامو و قال: ”بِتّي ماتَت هَسَّع دي. لَكِن تَعال و خُت إيدَك عَليها و هي بِتَحيى.“

مَرْقُس 2:22

و ما في زول يَكُب خَمرَه جَديدَه في قِربَه قَديمَه. إذا يَعمِل كِدا، الخَمرَه تَشرُط القِربَه القَديمَه، و الخَمرَه و القِربَه بِخرَبو. لَكِن الخَمرَه الجَديدَه يَخُتّوها في قِربَه جَديدَه.“

لُوقَا 5:37

و ما في زول بِخُت خَمرَه جَديدَه في بُرمَه قَديمَه، عَشان الخَمرَه الجَديدَه تَكسِر البُرمَه و تِتدَفَّق، و البُرمَه تَخسَر.

لُوقَا 5:38

لَكِن الخَمرَه الجَديدَه لازِم يَخُتّوها في البُرمَه الجَديدَه.