مَتَّى 9:13 - كِتاب العَهد الجَّديد مِن الكِتاب المُقَدَّس

¹³ أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“

مَتَّى 9:13 Iomraidhean Croise

مَتَّى 12:3

و يَسُوع رَدَّ و قال ليهُم: ”إنتو ما قَريتو العَمَلو دَاوُد لَمّا كان جَعان، هو و الكانو مَعاهو؟

مَتَّى 12:5

ولّا، ما قَريتو في القانون كيف القُسُس في السَّبِت في الهيكَل يَنَجِّسو السَّبِت و هُم بِدون خَطيَّه؟

مَتَّى 12:7

و إذا عِرِفتو المَعنى دا: أنا داير رَحمَه، ما ضَبيحَه، ما كُنتو حَكَمتو عَلى النّاس البِدون خَطيَّه.

مَتَّى 19:4

رَدَّ عَليهُم و قال: ”ما قَريتو هو الخَلَقُم مِن البِدايَه خَلَقُم راجِل و مَرَه؟

مَتَّى 21:42

يَسُوع قال ليهُم: ”ما قَريتو أبَداً في الكِتاب؟ الحَجَر البَنّايين أبو، هو بِقى راس الرُّكن. الرَّب عَمَل دا، و هو عَجيب قِدّامنا.

مَتَّى 3:2

و يَقول: ”توبو، فِشان مَلَكوت السَّما قَريب.“

مَتَّى 3:8

أعمِلو الحاجات البِوَرّو النّاس إنتو تُبتو.

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

مَرْقُس 12:26

و لَكِن عَن المَيِّتين البِقومو، ما قَريتو في كِتاب مُوسَى عَن الشَّجَرَه الصَّغَيرَه؟ كيف الله قال ليهو: أنا إلَه إِبْرَاهِيم، و إلَه إِسْحَاق، و إلَه يَعْقُوب؟

مَرْقُس 12:33

و مَحَبَّتو بِكُل القَلب، و بِكُل الفَهم، و بِكُل القُوَّه، و مَحَبَّة القَريب زي نَفسَك، دا أهَمّا مِن كُل الضَّبايح المَحروقَه و الضَّبايح التّانيَه.“

مَرْقُس 2:17

و لَمّا يَسُوع سِمِع، قال ليهُم: ”النّاس الشُّداد ما يَحتاجو لِلحَكيم، لَكِن العَيّانين. أنا ما جيت عَشان أنادي البارين، لَكِن الخاطيين.“

لُوقَا 10:26

و قال ليهو: ”شِنو المَكتوب في القانون؟ بِتَقراهو كيف؟“

لُوقَا 19:10

عَشان إبن الإنسان جا يَطلُب و يَخَلِّص المَوَدَّر.“

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

لُوقَا 5:31

و رَدَّ يَسُوع و قال ليهُم: ”الشُّداد ما يَحتاجو الحَكيم، لَكِن العَيّانين.

لُوقَا 5:32

أنا ما جيت عَشان أنادي الطَّيبين لِلتّوبَه، لَكِن الخاطيين.“

يُوحَنَّا 10:34

يَسُوع رَدَّ عَليهُم و قال: ”ما مَكتوب في قانونكُم: أنا قُلتَ إنتو آلِهَه؟

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

أعمال الرُّسُل 5:31

و الله رَفَعو بِيَمينو يَكون رَئيس و مُخَلِّص، عَشان يَدّي لِإِسْرَائِيل التّوبَه و غُفران الخَطايا.

٢ بُطْرُس 3:9

و الرَّب ما مِتأخِّر بِوَعدو زي ما بَعض مِن النّاس يَفتَكِرو. لَكِن هو عِندو صَبر عَليكُم، و ما عاوِز واحِد يَموت، لَكِن عاوِز الكُل يَجو لِلتّوبَه.