مَتَّى 8:3 - كِتاب العَهد الجَّديد مِن الكِتاب المُقَدَّس

³ و يَسُوع مَدَّ إيدو و لَمَسو و قال: ”أنا عاوِز. كون نَضيف.“ و طَوّالي بِقى نَضيف مِن جِزامو.

مَتَّى 8:3 Iomraidhean Croise

مَتَّى 12:13

بَعدين قال لِلزّول: ”مِد إيدَك.“ و الزّول مَدّاها، و إيدو بِقَت كوَيسَه زي التّانيَه.

مَرْقُس 1:41

و يَسُوع حَنَّه عَليهو، و مَدَّ إيدو و لِمسو، و قال ليهو: ”أنا عاوِز. كون نَضيف!“

مَرْقُس 4:39

و قام مِن النّوم، و وَبَّخ الهَبوب، و قال لِلبَحَر: ”أسكُت ساكِت.“ و الهَبوب سَكَتَت، و كان في سُكوت كَبير.

مَرْقُس 5:41

و مَسَك البِت بِإيدا، و قال ليها: ”طَلِيثَا قوم.“ يَعني: ”يا بِت، أقول ليكي: قومي.“

مَرْقُس 7:34

و عايَن لِلسَّما، و إتنَفَّس، و قال ليهو: ”افَّاتَا،“ يَعني: ”كون مَفتوح.“

مَرْقُس 9:25

و لَمّا يَسُوع شاف النّاس يَجو جاريين سَوا، وَبَّخ الرّوح النَّجِس، و قال ليهو: ”يا الرّوح الأبكَم الأطرَش، أنا بَدّيك أمر اطلَع مِنّو، و لا تَدخُلو مَرَّه تانيَه أبَداً.“

لُوقَا 4:27

و كانو مُجَزَّمين كُتار في إِسْرَائِيل في زَمَن أَلِيشَع النَّبي. و لا واحِد بِقى نَضيف إلّا نِعْمَان السّوري.“

لُوقَا 5:13

و مَدَّ إيدو و لِمِسو و قال: ”أنا داير. كون نَضيف!“ و طَوّالي الجِّزام مَرَق مِنّو.

لُوقَا 7:14

و قَرَّب و لَمَس العَنقَرِيب، و الشايلينو وَقَفو. و يَسُوع قال: ”يا شاب، أقول ليك، قوم!“

يُوحَنَّا 11:43

و لَمّا قال دا، كورَك بِصوت عالي: ”لَعَازَر، أمرُق بَرَّه!“

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 5:21

زي ما الأبو يَقَوِّم المَيِّتين و يَدّيهو الحَياة، كَمان الإبن يَدّي ليهُم الحَياة زي ما هو عاوِز.