مَتَّى 6:9 - كِتاب العَهد الجَّديد مِن الكِتاب المُقَدَّس

⁹ عَشان كِدا صَلّو زي دا: أبونا الفي السَّما، خَلّي إسمَك يَكون قُدّوس.

مَتَّى 6:9 Iomraidhean Croise

مَتَّى 10:29

ما بِبيعو طيرين صُغار بِمِليم؟ و لا واحِد مِنَّهُم بِقَع عَلى الأرض بِدون مَعرِفَة أبوكُم.

مَتَّى 23:9

و ما تَسَمّو أي واحِد أبو عَلى الأرض، عَشان أبوكُم واحِد بَس، و هو في السَّما.

مَتَّى 26:29

و أقول ليكُم، مِن هَسَّع أنا ما بَشرَب تاني مِن مويَة العِنَب دي، لِغايَة اليوم داك الأنا بَشرَبا مَعاكُم جَديد في مَلَكوت أبوي.“

مَتَّى 26:42

و مَشى مَرَّه تانيَه و صَلّى و قال: ”يا أبوي، إذا ما في طَرِيقَه تانيَه، إلّا أقبَل الشّي التَّقيل دا، أنا رَضيان بِالإنتَ عاوِز تَجيب عَلي.“

مَتَّى 5:16

خَلّو نُوركُم يَنَوِّر كِدا قِدّام النّاس، عَشان يَشوفو أعمالكُم الكوَيسَه، و يَدّو مَجد لِأبوكُم الفي السَّما.

مَتَّى 5:48

عَلَشان كِدا، كونو كامِلين زي ما أبوكُم الفي السَّما هو كامِل.

مَتَّى 6:14

عَلَشان إذا تَغفِرو لِلنّاس خَطاياهم، أبوكُم الفي السَّما بِغفِر ليكُم كَمان.

مَتَّى 6:6

و لَكِن إنتَ لَمّا تَصَلّي، أدخُل بيتَك، و أقفِل بابَك، و صَلّي لِأبوك الفي السِّر. و أبوك اليَشوف في السِّر بِرَجِّع ليك كوَيس.

مَتَّى 7:11

كِدا إذا إنتو البَطّالين تَعرِفو كيف تَدّو أولادكُم هَدايا كوَيسَه، كَم يَكون أبوكُم الفي السَّما أحسَن، اليَدّي هَدايا كَتيرَه ليكُم اليَسألوهو؟

لُوقَا 15:18

أقوم و أمشي لِأبوي، و أقول ليهو، يا أبوي، أنا عَمَلتَ خَطيَّه ضِد السَّما و قِدَّامَك.

لُوقَا 15:21

و الوَلَد قال ليهو: يا أبوي، عَمَلتَ خَطيَّه ضِد السَّما و قِدَّامَك. و ما مُستَحِق بَعَد دا يَسَمّوني وَلَدَك.

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 20:17

يَسُوع قال ليها: ”ما تَلمِسيني، عَشان أنا لِسَّع ما رَجَعتَ لِلأبو. لَكِن أمشي لِأخواني، و قولي ليهُم، أنا بَرجَع لِأبوي و أبوكُم، و إلَهي و إلَهكُم.“

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

رُومِيَه 8:15

عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

غَلَاطِيَّه 1:1

مِن بُولُس، هو رَسول، مُش مِن النّاس، و لا بِزول، لَكِن بِيَسُوع المَسيح و الله الأبو القَوَّمو مِن بين المَيِّتين.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

١ تِيمُوثَاوُس 6:16

و هو بَس ما بِموت، و بِسكُن في نور الما نَقدَر نَقَرِّب مِنّو. ما في زول شافو ولّا بِقدَر يَشوفو. ليهو الإحتِرام و القُوَّه الأبَديَّه! آمين.

١ بُطْرُس 1:17

إن كان تَنادو الأبو البِحكُم عَلى أعمال كُلّو واحِد، و ما بِشوف الوشوش، عيشو بِخوف زي غَريبين في الدُّنيا.

رؤيا 4:11

”إنتَ مُستَحِق، يا رَب إلَهنا أن تَقبَل المَجد و الإحتِرام و القُدرَه. عَلَشان إنتَ خَلَقتَ كُل الحاجات، و بِإرادَتَك كانو مَوجودين و مَخلوقين.“

رؤيا 5:12

و يَقولو بِصوت عالي: ”الحَمَل الكان مَكتول مُستَحِق يَقبَل القُدرَه و الغِنى و الحِكمَه و القُوَّه و الإحتِرام و المَجد و البَرَكَه!“