مَتَّى 5:30 - كِتاب العَهد الجَّديد مِن الكِتاب المُقَدَّس

³⁰ و إذا إيدَك اليَمين تَكون سَبَب خَطيَّه ليك، أقطَعا و أرميها مِنَّك، عَشان أحسَن ليك أن واحِد عُضو مِن جِسمَك يِتوَدَّر، و جِسمَك كُلّو ما بِكون في جَهَنَّم.

مَتَّى 5:30 Iomraidhean Croise

مَتَّى 11:6

و مُبارَك الما يَقَع عَشانّي.“

مَتَّى 13:21

لَكِن ما ليهو عِرق في نَفسو، لَكِن يِستَنّى مُدَّه قَليلَه. و لَمّا التَّعب ولّا المُصيبَه حَصَلَت عَشان الكِلمَه، طَوّالي بِقَع.

مَتَّى 16:23

و لَكِن إتلَفَت و قال لِبُطْرُس: ”أمشي مِنّي، يا شيطان! إنتَ سَبَب وقوع لَي، عَشان إنتَ ما بِتفَكِّر في حاجات الله لَكِن في حاجات النّاس.“

مَتَّى 17:27

لَكِن عَشان ما نَزَعِّلُم، أمشي لِلبَحَر و أرمي جَبادَه. أُخُد أوَّل سَمَك البِتَطلَع. و لَمّا تَفتَح خَشما، بِتَلقى ريال. أُخدو، و أدّيهو ليهُم فِشانّي و فِشانَك.“

مَتَّى 18:8

و إذا كان إيدَك ولّا كُراعَك هي سَبَب خَطيَّتَك، أقطَعا و أرميها مِنَّك. أحسَن ليك تَدخُل الحَياة بِكُراع واحدَه ولّا إيد واحدَه مِن ما يَرموك في النّار الأبَديَّه و عِندَك إيدين ولّا كِرعين.

مَتَّى 22:13

بَعدين المَلِك قال لِلخَدّامين: أربُطو إيدينو و كِرعينو، و أرموهو بَرَّه في الضُّلُمَّه. هِناك بِيَبكو و بِعَضّو الأسنان.

مَتَّى 25:20

و الأخَد الخُمسُمِيَّة جِنيه قَرَّب ليهو و جاب خُمسُميَّه تانيَه و قال: يا سَيِّد، سَلَّمتَ لَي خُمسُمِيَّة جِنيه. و أهي دي خُمسُميَّه تانيَه الأنا زِدتا فوقا.

مَتَّى 26:31

بَعدين يَسُوع قال ليهُم: ”كُلُّكُم بِتَقَعو اللّيلَه دي عَشانّي. عَشان مَكتوب: أنا بَضرُب الرّاعي، و خِرفان المُراح يِتشَتَّتو.

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَتَّى 5:29

كان عينَك اليَمين تَكون سَبَب خَطيَّه ليك، طَلِّعا و أرميها مِنَّك، عَشان أحسَن ليك أن واحِد عُضو مِن جِسمَك يِتوَدَّر، و هُم ما يَرمو جِسمَك كُلّو في جَهَنَّم.

مَرْقُس 9:43

و إذا إيدَك سَبَب خَطيَّتَك، أقطَعا.

لُوقَا 12:5

لَكِن بَوَرّيكُم مِن مِنو إنتو لازِم تَخافو. خافو مِن هو البَعَد ما يَكتُل، عِندو قُدرَه يَرمي في جَهَنَّم. أيوَه، أقول ليكُم، خافو مِنّو.

لُوقَا 17:2

أحسَن ليهو إذا كان رَبَطو مُرحاكَه كَبيرَه في رَقَبتو و بِرموهو في البَحَر، مِن أن يَكون سَبَب الخَطيَّه لِواحِد مِن الصُّغار ديل.

رُومِيَه 9:33

مِثِل ما مَكتوب: ”شوف! أنا بَخُت في صِهيون حَجَر وقوع و صَخرَه نُزول، و البِآمِنو بيهو ما بِكون خَجلان.“

١ كُورِنْثُوس 8:13

عَشان كِدا، إذا كان أكل يَكون سَبَب وقوع في الخَطيَّه لِأخوّي، أنا ما باكُل لَحَم أبَداً، عَشان ما بَكون سَبَب وقوع لِأخوّي.

غَلَاطِيَّه 5:11

لَكِن أنا، يا أخوان، إذا كان لِسَّع بَنادي بِالطَّهور، لِشِنو لِسَّع بِطرُدوني؟ في الحالَه ديك، عَترَة الصَّليب فاتَت.

١ بُطْرُس 2:8

و: ”حَجَر عَترَه و صَخرَة وقوع.“ يَقَعو عَلَشانُم ما بِطيعُو الكِلمَه، و كِدا كانو مُعَينين لِدا.