مَتَّى 5:22 - كِتاب العَهد الجَّديد مِن الكِتاب المُقَدَّس

²² و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَتَّى 5:22 Iomraidhean Croise

مَتَّى 10:17

لَكِن خَلّو بالكُم مِن النّاس، عَشانُم بِسَلِّموكُم لِلمَجالِس، و بِجلِدوكُم في بِيوت الرَّب بِتوعُم،

مَتَّى 10:28

و ما تَخافو مِن اليَكتُلو الجِّسِم و لَكِن ما يَقدَرو يَكتُلو النَفس. لَكِن خافو مِن اليَقدَر يَكتُل النَّفس و الجِّسِم، هُم الإتنين، في جَهَنَّم.

مَتَّى 12:24

و لَكِن الفَرِّيسِيِّين، لَمّا سِمِعو، قالو: ”الرّاجِل دا ما يَطَلِّع الشّياطين إلّا بِبَعلَزَبول، رَئيس الشّياطين.“

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

مَتَّى 18:21

بَعدين، بُطْرُس قَرَّب ليهو و قال: ”يا رَب، كَم مَرَّه بَغفِر لِأخوّي و هو يَعمِل خَطيَّه لَي؟ لِسَبعَه مَرّات؟“

مَتَّى 18:35

و كَمان أبوي بيَعمِل زي دا لِكُلّو واحِد مِنَّكُم إذا ما يَغفِر لِأخوهو مِن قَلبو.“

مَتَّى 23:15

حُزن ليكُم، يا مُعَلِّمين القانون و الفَرّيسيّين، المُنافِقين! عَشان تَقطَعو البَحَر و الأرض عَشان تَرَجِّعو زول واحِد لِلَّه. و لَمّا يَرجَع، تَعمِلوهو وَلَد لِجَهَنَّم أكتَر مِنَّكُم مَرَّتين.

مَتَّى 23:33

يا دَبايب، يا أولاد الحَيّات، كيف بِتَهرَبو مِن حُكم جَهَنَّم؟

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

مَتَّى 26:59

و القُسُس الكُبار و المَجِلس كُلّو، كانو يَطلُبو شَهادَه كَضّابَه عَلى يَسُوع عَشان يَكتُلوهو.

مَتَّى 3:17

و شوف، جا صوت مِن السَّما و قال: ”دا هو إبني الحَبيب، و أنا مَبسوط بيهو.“

مَتَّى 5:34

و لَكِن أنا أقول ليكُم، ما تَحلِفو أبَداً، ما بِالسَّما عَشان هي كُرسي الله،

مَتَّى 5:44

و لَكِن أنا أقول ليكُم، حِبّو عُدوانكُم و صَلّو عَشان اليَطرُدوكُم،

مَرْقُس 14:55

و القُسُس الكُبار و المَجِلس كُلّو كانو يَطلُبو شَهادَه عَلى يَسُوع فِشان يَكتُلوهو. و لَكِن ما لِقوها.

مَرْقُس 15:1

و طَوّالي في الصَّباح، القُسُس الكُبار، مَعَ الشُّيوخ و مُعَلِّمين القانون، و كُل المَجلِس إتكَلَّمو مَعَ بَعض. و رَبَطو يَسُوع، و قادوهو، و سَلَّموهو لِبِيلاطُس.

لُوقَا 12:5

لَكِن بَوَرّيكُم مِن مِنو إنتو لازِم تَخافو. خافو مِن هو البَعَد ما يَكتُل، عِندو قُدرَه يَرمي في جَهَنَّم. أيوَه، أقول ليكُم، خافو مِنّو.

لُوقَا 22:66

و في الصَّباح بَدري، مَجلِس الشُّيوخ مِن القُسُس الكُبار و مُعَلِّمين القانون إتلَمّو، و جابوهو قِدّامُم.

يُوحَنَّا 11:47

عَشان كِدا، القُسُس الكُبار و الفَرّيسيّين جَمَعو المَجِلس و قالو: ”بِنَعمِل شِنو؟ عَلَشان الرّاجِل دا قاعِد يَعمِل عَلامات كَتيرَه.

يُوحَنَّا 15:25

لَكِن عَشان تَتِم الكِلمَه المَكتوبَه في قانونُم: هُم كِرهوني بِدون سَبَب.

يُوحَنَّا 7:20

النّاس رَدّو عَليهو: ”إنتَ عِندَك شيطان. مِنو عاوِز يَكتُلَك؟“

يُوحَنَّا 8:48

اليَهود رَدّو و قالو ليهو: ”نِحنا ما قُلنا الحَق لَمّا قُلنا إنتَ سامِري، و عِندَك شيطان؟“

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

أعمال الرُّسُل 22:30

و في اليوم التّاني، فَكّاهو عَلَشان كان عاوِز يَعرِف الحَق عَن البِشتَكو بيهو اليَهود. و أمَر القُسُس الكُبار و كُلّو مَجلِسُم أن يِتلَمّو. و جاب بُولُس و خَتّاهو قِدّامُم.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

أعمال الرُّسُل 24:20

و خَلّو ديل، الفي هِنا، نُفوسُم يَقولو شِنو اللِقو فِيني مِن ذَنب، وَكِت ما كُنتَ واقِف قِدّام المَجلِس.

أعمال الرُّسُل 4:15

عَلَشان كِدا أمَروهُم يَمرُقو مِن المَجلِس، و إتكَلَّمو بِسِر مَعَ بَعض.

أعمال الرُّسُل 5:21

و لَمّا سِمِعو دا، دَخَلو الهيكَل في الصَّباح بَدري و إبتَدو يَعَلِّمو. و لَمّا رَئيس القُسُس و المَعاهو جو، جَمَعو المَجِلس و كُلّو شُيوخ إِسْرَائِيل. و رَسَّلو لِلسِّجِن عَشان يَجيبو الرُّسُل.

أعمال الرُّسُل 5:27

و لَمّا جابوهُم، وَقَّفوهُم قِدّام المَجلِس و رَئيس القُسُس سألُم.

أعمال الرُّسُل 6:12

و حَرَّكو النّاس و الشُّيوخ و مُعَلِّمين القانون. و قامو و قَبَضو عَليهو، و جابوهو لِلمَجِلس.

أعمال الرُّسُل 6:15

و كُل القَاعِدين في المَجِلس عايَنو ليهو، و شافو وَشّو كان زي وَش مَلاك.

أعمال الرُّسُل 7:37

دا مُوسَى القال لِبَني إِسْرَائِيل: الله بِقَوِّم ليكُم نَبي زَيي مِن أخوانكُم.

رُومِيَه 12:10

حِبّو بَعضَكُم بَعض بِمَحَبَّه زي أخوان. إحتَرِمو بَعضَكُم بَعض.

١ كُورِنْثُوس 6:10

ولّا الحَراميَه، ولّا الطَّمّاعين، ولّا السَّكرانين، ولّا الشَّتَّامين، ولّا السَّرّاقين بِيورَثو مَلَكوت الله.

١ كُورِنْثُوس 6:6

لَكِن الأخو يَرفَع قَضيَّه عَلى الأخو، و داك قِدّام الما مؤمِنين.

١ تَسَالُونِيكِي 4:6

عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم.

تِيطُس 3:2

و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

يَعْقُوب 2:20

لَكِن يا الإنسان الغَشيم، إنتَ داير تَعرِف، أن الإيمان بِدون الأعمال ما ليهو فايدَه؟

يَعْقُوب 3:6

و اللِّسان كَمان نار. هو دُنيا شَرّيرَه مَختوتَه بين أعضانا. اللِّسان يَنَجِّس الجِّسِم كُلّو، و يَوَلِّع طَريق حَياتنا كُلّو بِالنّار البِتَجي ليهو مِن جَهَنَّم.

١ بُطْرُس 2:23

لَمّا شَتَموهو، هو ما رَدَّ الشَّتيمَه، و لَمّا إتوَجَّع، ما هَدَّد، لَكِن إتَّكَل عَلى البِحكُم بِالعَدِل.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

١ يُوحَنَّا 2:9

البقول هو في النّور و يَكرَه أخوهو، هو لِسَّع في الضُّلُمَّه.

١ يُوحَنَّا 3:10

بِدا، أولاد الله مَعروفين و أولاد إبْلِيس مَعروفين. كُل الما بيَعمِل البِر ما مِن الله، و كِدا الما بِحِب أخوهو كَمان.

١ يُوحَنَّا 5:16

إذا واحِد يَشوف أخوهو يَعمِل خَطيَّه ما لِلموت، هو يَسأل، و الله بِدّيهو حَياة يَعني لِلما بِختو لِلموت. في خَطيَّه تَقود لِلموت، و أنا ما بَقول إنّو يَطلُب عَن دي.

يَهُوذَا 1:9

و لَكِن مِخائيل، رَئيس المَلائكَه، لَمّا شاكَل إبْلِيس عَن جِسِم مُوسَى، خاف يَجيب حُكم بِشَتيمَه، لَكِن قال: ”الرَّب يَوَبِّخَك!“

رؤيا 20:14

و الموت و الهاويَه إترَمو في بِركَة النّار. و بِركَة النّار، هي الموت التّاني.