مَتَّى 5:18 - كِتاب العَهد الجَّديد مِن الكِتاب المُقَدَّس

¹⁸ بِالحَق أنا أقول ليكُم، لِغايَة ما تَفوت السَّما و الأرض، ما يَفوت حَرف واحِد ولّا نُقطَه واحدَه مِن القانون لِغايَة ما الكُل بِتِم.

مَتَّى 5:18 Iomraidhean Croise

مَتَّى 10:15

بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.

مَتَّى 10:23

و لَمّا يَطرُدوكُم مِن المَدينَه دي، أجرو لِلتّانيَه. الحَق أقول ليكُم، إنتو ما بِتَمشو لِكُلّو بِلاد إِسْرَائِيل قُبّال ما يَجي إبن الإنسان.

مَتَّى 10:42

و أي واحِد البِدّي لِواحِد مِن الصُّغار ديل كُبّايَة مويَه باردَه بَس، بِإسم تِلميذ، الحَق أقول ليكُم، هو ما يَوَدِّر أُجرَتو أبَداً.“

مَتَّى 11:11

الحَق أقول ليكُم، ما في بين المَولودين مِن النِّسوان زول أكبَر مِن يُوحَنَّا المَعمَدان. و لَكِن الأصغَر في مَلَكوت السَّما أكبَر مِنّو.

مَتَّى 13:17

الحَق، أقول ليكُم، أنبياء كُتار و الطَّيبين كانو عاوزين يَشوفو الحاجات الإنتو تَشوفوها، و ما شافوها. و كانو عاوزين يَسمَعو الإنتو تَسمَعوها، و ما سِمِعوهو.

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَتَّى 17:20

و قال ليهُم: ”عَلَشان إيمانكُم قَليل. عَشان بِالحَق أقول ليكُم، إذا كان ليكُم إيمان زي تيراب خَردَل، بِتقولو لِلجَّبَل دا: إتحَرَّك مِن هِنا لِلمَحَل هِناك، و هو يِتحَرَّك. و ما في حاجَه بِتكون ما مُمكِن ليكُم.

مَتَّى 18:18

الحَق أقول ليكُم، كُل الإنتو تَربُطوهو عَلى الأرض بِكون الكان مَربوط في السَّما. و كُل التَّفِكّوهو عَلى الأرض بِكون الكان مَفكوك في السَّما.

مَتَّى 18:3

و قال: ”الحَق أقول ليكُم، إذا ما بِتَرجَعو و تَكونو زي الأولاد، ما بِتَدخُلو مَلَكوت السَّما أبَداً.

مَتَّى 19:23

و يَسُوع قال لِتَلاميذو: ”الحَق أنا بَقول ليكُم: صَعَب لِزول غَني أن يَدخُل مَلَكوت السَّما.

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 21:21

يَسُوع رَدَّ و قال ليهُم: ”أقول ليكُم الحَق، إذا عِندَكُم إيمان، و ما تَشِكّو في قُلوبكُم، إنتو ما بِتَعمِلو بَس الأنا عَمَلتو لِلشَّجَرَه، لَكِن إذا بِتقولو لِلجَّبَل دا: أمشي، أرمي نَفسَك في البَحَر، بِكون كِدا.

مَتَّى 21:31

ياتو مِن الإتنين عَمَل إرادَة الأبو؟“ قالو: ”الأوَّل.“ يَسُوع قال ليهُم: ”أقول ليكُم الحَق. النّاس البِلِمّو الضَّريبَه و النِّسوان البَطّالات بِدخُلو مَلَكوت الله قُبّالكُم.

مَتَّى 23:36

أقول ليكُم الحَق، كُلّو دا بِجي عَلى ناس الزَّمَن دا.

مَتَّى 24:2

و رَدَّ عَليهُم و قال: ”بِتشوفو كُلّو ديل مُش كِدا؟ أقول ليكُم الحَق، ما بِخَلّو هِنا حَجَر عَلى حَجَر الما بِرموهو.“

مَتَّى 24:47

أقول ليكُم الحَق، هو بيَعمِلو وَكيل عَلى كُلّو مالو.

مَتَّى 25:12

و لَكِن هو رَدَّ عَليهُم و قال: أقول ليكُم الحَق، أنا ما عارِفكُم.

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

مَتَّى 25:45

و بَعدين هو بِقول ليهُم: أقول ليكُم الحَق، زي ما إنتو ما عَمَلتوهو لِواحِد مِن الأصغَر ديل، ما عَمَلتوهو لَي.

مَتَّى 5:26

بِالحَق أقول ليك، إنتَ ما بِتَمرُق مِن هِناك أبَداً لِغايَة ما تَدفَع آخِر مِليم.

مَتَّى 6:16

و لَمّا تَصومو، ما تَوَرّو نُفوسكُم زي ناس تَعبانين، زي ما يَعمِلو المُنافِقين، عَشانُم بِغَيِّرو وَشُّم عَشان النّاس بِشوفو إنَّهُم يَصومو. بِالحَق أقول ليكُم، عِندَهُم أُجرَتُم.

مَتَّى 6:2

و كِدا، لَمّا تَدّي لِلمَساكين، ما تَضرُب قِدَّامَك بِالبوق زي ما يَعمِلو المُنافِقين في بِيوت الرَّب و في السِّكَك، عَشان النّاس بِشكُروكُم. بِالحَق أقول ليكُم، هُم اَخَدو الأُجرَه بِتاعَتُم.

مَتَّى 8:10

و لَمّا يَسُوع سِمِعو، إستَغرَب، و قال لِلنّاس الكانو يَتبَعوهو: ”الحَق أقول ليكُم، أنا ما لِقيت و لا واحِد في إِسْرَائِيل عِندو إيمان زي دا.

مَرْقُس 10:15

أقول ليكُم الحَق، الما يَقبَل مَلَكوت الله زي وَلَد، ما بِدخُلو أبَداً.“

مَرْقُس 10:29

يَسُوع قال: ”أقول ليكُم الحَق، ما في واحِد خَلّى بيت، ولّا أخوان، ولّا أخوات، ولّا أُم، ولّا أبو، ولّا أولاد، ولّا زِراعات فِشانّي و فِشان الإنجيل،

مَرْقُس 11:23

أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو.

مَرْقُس 12:43

و يَسُوع نادى ليهو تَلاميذو، و قال ليهُم: ”أقول ليكُم الحَق. الأرمَلَه المِسكينَه دي رَمَت أكتَر مِن كُل النّاس اليَرمو في الخَزنَه.

مَرْقُس 13:30

أقول ليكُم الحَق، ناس الزَّمَن دا ما بِفوتو لِغايَة ما يَحصُل كُلّو دا.

مَرْقُس 14:18

و وَكِت ما كانو قاعِدين ياكلو، يَسُوع قال: ”أقول ليكُم الحَق، واحِد مِنَّكُم بِسَلِّمني، و هو ياكُل مَعاي.“

مَرْقُس 14:25

أقول ليكُم الحَق، أنا ما بَشرَب تاني مِن مويَة العِنَب أبَداً، لِغايَة اليوم داك الأنا بَشرَبا جَديد في مَلَكوت الله.“

مَرْقُس 14:30

و يَسُوع قال ليهو: ”أقول ليك الحَق، اليوم دا في اللّيل، قُبّال ما الدّيك يَكورِك مَرَّتين، إنتَ بِتَنكُرني تلاتَه مَرّات.“

مَرْقُس 14:9

و أقول ليكُم الحَق، في كُلّو مَحَل اليَبَشِّرو بِالإنجيل في الدُّنيا كُلّو، بِخَبِّرو بِعَمَلا كَمان، عَشان يِتذَكَّروها.“

مَرْقُس 3:28

الحَق أقول ليكُم، كُل الخَطايا بِتكون مَغفورَه لِأولاد النّاس، و الشَّتايِم اليَشتِمو بيها.

مَرْقُس 6:11

و إذا أي مَحَل ما يَقبَلكُم، و النّاس يابو يَسمَعو ليكُم، هِزّو التُّراب مِن رِجلينكُم لَمّا تَمرُقو، عَشان شَهادَه عَليهُم.“

مَرْقُس 8:12

و يَسُوع إتنَفَّس شَديد في نَفسو، و قال: ”ناس الزَّمَن دا يَطلُب عَلامَه لِشِنو؟ أقول ليكُم الحَق، ما يَدّو عَلامَه لِناس الزَّمَن دا.“

مَرْقُس 9:1

و قال ليهُم: ”أقول ليكُم الحَق، بَعَض مِن النّاس الواقفين هِنا ما بِضوقو الموت لِغايَة ما بِشوفو مَلَكوت الله جاي بِقُوَّه.“

مَرْقُس 9:41

أقول ليكُم الحَق، البِدّيكُم كُبّايَه مويَه بِإسمي عَشان إنتو بِتوع المَسيح، هو ما يَوَدِّر أُجرَتو.

لُوقَا 11:51

دا بِكون مِن دَم هابيل لِغايَة دَم زَكَرِيَّا الكان مَكتول بين مَحَل الضَّبيحَه و مَحَل المُقَدَّس. أيوَه، أقول ليكُم ناس الزَّمَن بِكونو مَسؤلين.

لُوقَا 12:37

مُبارَكين الخَدّامين ديل إذا سيدُم يَجي و يَلقاهُم حارِسين. بِالحَق أقول ليكُم، هو بِربُط حِزامو، و يَقَعِدُم في الطَّرَبيزَه و يَقَدِّم ليهُم أكِل.

لُوقَا 13:35

شوفو بيتكُم يَبقى ليكُم خَربان. بِالحَق إنتو ما بِتشوفوني تاني مَرَّه لِغايَة ما تَقولو: مُبارَك الجّاي بِإسم الرَّب.“

لُوقَا 16:17

و أسهَل لِلسَّما و الأرض أن يَفوتو، مِن أن تَقَع نُقطَه واحدَه مِن القانون.

لُوقَا 18:17

الحَق أقول ليكُم، أي واحِد الما بِقبَل مَلَكوت الله زي وَلَد صَغَيِر، ما بِدخُلو أبَداً.“

لُوقَا 18:29

و قال ليهُم: ”الحَق أقول ليكُم، ما في زول الخَلّى بيت ولّا مَرَه ولّا أخوان ولّا والِدين ولّا أولاد فِشان مَلَكوت الله،

لُوقَا 23:43

و قال ليهو: ”بِالحَق أقول ليك، النَّهار دا بِتكون مَعاي في جَنَّه.“

لُوقَا 4:24

و قال: ”الحَق أقول ليكُم، ما في نَبي مَقبول في بَلَدو.

يُوحَنَّا 1:51

و قال ليهو: ”الحَق الحَق أقول ليكُم، بِتشوفو السَّما مَفتوحَه، و مَلائِكَة الله بِطلَعو و بِنزِلو عَلى إبن الإنسان.“

يُوحَنَّا 10:1

الحَق الحَق أقول ليكُم، هو الما بِدخُل مِن الباب لِزَريبَة الخِرفان، لَكِن يَطلَع بِطَريق تاني، الإنسان دا حَرامي و سَرّاق.

يُوحَنَّا 10:7

عَلَشان دا، يَسُوع قال ليهُم كَمان: ”الحَق الحَق أقول ليكُم، أنا هو باب الخِرفان.

يُوحَنَّا 12:24

الحَق الحَق أقول ليكُم، إلّا تيراب الدُّرَه يَقَع في الأرض و يَموت، يَبقى بَراهو. لَكِن إذا مات، يَجيب ثِمار كَتير.

يُوحَنَّا 13:16

الحَق الحَق أقول ليكُم، إنّو ما في عَبد أكبَر مِن سَيِدو، و لا رَسول أكبَر مِن الرَّسَّلو.

يُوحَنَّا 13:38

يَسُوع رَدَّ و قال ليهو: ”إنتَ تَدّي حَياتَك فِشانّي؟ الحَق الحَق أقول ليك، قُبّال ما الدّيك يَكورِك، إنتَ ماشي تَنكِرني تلاتَه مَرّات.

يُوحَنَّا 14:12

الحَق الحَق أقول ليكُم، البِآمِن بي، الأعمال الأنا بَعمِلا، هو كَمان يَعمِلا. و يَعمِل أكبَر مِنَّها، عَشان أنا ماشي لِلأبو.

يُوحَنَّا 16:20

الحَق الحَق أقول ليكُم، إنتو بِتَبكو و بِتكورِكو، و الدُّنيا تَفرَح. إنتو بِتَحزَنو، لَكِن حُزنَكُم بِتغَيَّر لِفَرَح.

يُوحَنَّا 16:23

و في اليوم داك، ما بِتَسألوني أي شي. الحَق الحَق أقول ليكُم، كُل البِتَطلُبوهو مِن الأبو بِإسمي، بِدّيهو ليكُم.

يُوحَنَّا 21:18

الحَق الحَق أقول ليك، لَمّا كُنتَ صَغَيِر، لِبِستَ هِدومَك و مَشيت لِلمَحَل الأنتَ دايِرو. لَكِن لَمّا بِقيت عَجوز، إنتَ ماشي تَمِد إيدينَك، و واحِد بِلَبِّسَك و بِشيلَك لِلمَحَل الأنتَ ما عاوِز تَمشي ليهو.“

يُوحَنَّا 3:11

الحَق الحَق أقول ليك، نِحنا بِنِتكَلَّم بِالشّي النَعرِفو، و نَشهَد بِالشّي النَشوفو. و إنتو ما بِتَقبَلو شَهادَتنا.

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

يُوحَنَّا 5:19

و يَسُوع قال ليهُم: ”الحَق الحَق أقول ليكُم، الإبن ما بِقدَر يَعمِل حاجَه مِن نَفسو، لَكِن بَس الهو بِشوف الأبو بيَعمِل. عَشان أي شي الأبو بيَعمِل، الإبن بيَعمِلو كَمان.

يُوحَنَّا 6:26

يَسُوع رَدَّ عَليهُم و قال: ”الحَق الحَق أقول ليكُم، إنتو بِتَطلُبوني، ما عَشان العَلامات الشُّفتوها، لَكِن عَشان إنتو أكَلتو مِن الرَّغِفان و شَبِعتو.

يُوحَنَّا 6:32

يَسُوع رَدَّ و قال ليهُم: ”الحَق الحَق أقول ليكُم، مُش مُوسَى الأدّاكُم المَنّا مِن السَّما، لَكِن أبوي يَدّيكُم العيش الحَقيقي مِن السَّما.

يُوحَنَّا 6:47

الحَق الحَق أقول ليكُم، البِآمِن بي، تَكون ليهو الحَياة الأبَديَّه.

يُوحَنَّا 6:53

يَسُوع قال ليهُم: ”الحَق، الحَق أقول ليكُم، كان ما تاكلو جِسم إبن الإنسان، و تَشرَبو دَمّو، ما بِتكون فيكُم حَياة.

يُوحَنَّا 8:34

يَسُوع رَدَّ و قال ليهُم: ”الحَق الحَق أقول ليكُم، كُلّو واحِد اليَعمِل الخَطيَّه، هو عَبد لِلخَطيَّه.

يُوحَنَّا 8:51

الحَق الحَق أقول ليكُم، إذا كان واحِد بِحفَظ كَلامي، هو ما بِشوف الموت أبَداً.“

يُوحَنَّا 8:58

يَسُوع قال ليهُم: ”الحَق الحَق أقول ليكُم، قُبّال ما إِبْرَاهِيم كان في، أنا مَوجود.“

١ بُطْرُس 1:25

لَكِن كِلمَة الرَّب تِستَمِر لِلأبَد.“ و دي هي الكِلمَه البَشَّرناكُم بيها.

رؤيا 20:11

و بَعدين شُفتَ كُرسي كَبير و أبيَض، و شُفتَ القاعِد فوقو. و السَّما و الأرض هَرَبَت مِن وَشّو، و ما لِقو مَحَل.