مَتَّى 4:24 - كِتاب العَهد الجَّديد مِن الكِتاب المُقَدَّس

²⁴ و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

مَتَّى 4:24 Iomraidhean Croise

مَتَّى 12:22

بَعدين جابو ليهو زول كان فيهو شيطان، و هو عَميان و أبكَم. و يَسُوع شَفاهو حَتّى هو قِدِر يتكَلَّم و يَشوف.

مَتَّى 14:1

في الوَكِت داك، هِيرُودُس، رَئيس مُديرِيَّه، سِمِع بِخَبَر يَسُوع.

مَتَّى 15:22

و شوف! مَرَه كَنعانيَه مِن المَحَل داك، طَلَعَت و كُورَكَت: ”يا سَيِّد، إبن دَاوُد، كون رَحيم لَي. شيطان بِعَذِّب بِتّي شَديد جِدّاً.“

مَتَّى 17:15

”يا رَب، كون رَحيم لِوَلَدي، عَشان هو عِندو العَيى البِتَرميهو تِحِت، و بِتعَذَّب جِدّاً. عَشان مَرّات كَتيرَه يَقَع في النّار، و مَرّات كَتيرَه يَقَع في المويَه.

مَتَّى 17:18

و يَسُوع كَلَّمو شَديد، و الشّيطان طَلَع مِنّو. و الوَلَد بِقى طَيب طَوّالي.

مَتَّى 4:23

و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَتَّى 8:28

و لَمّا وِصِل لِلطَّرف التّاني في بَلَد الجَدَريّين، راجلين الكانو فيهُم شياطين قابَلوهو، و هُم جايين مِن القُبور. و كانو مِتوَحِّشين خالِص. عَلَشان كِدا، ما في واحِد كان بِقدَر بِفوت بِالسِّكَّه ديك.

مَتَّى 8:33

لَكِن الرُّعاه هَرَبو، و مَشو لِلمَدينَه و خَبَّرو بِكُلّو شي، و بِكُلّو شي الحَصَل لِلرُّجال الكانو فيهُم الشّياطين.

مَتَّى 8:6

و قال: ”يا رَب، خَدّامي راقِد في البيت و هو مَفلوج، و عِندو وَجَع شَديد.“

مَتَّى 9:26

و الخَبَر دا شَتَّت في الأرض ديك كُلَّها.

مَتَّى 9:35

و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

مَرْقُس 1:28

و طَوّالي الخَبَر عَنّو مَشى لِكُلّو بِلاد الجَّليل.

مَرْقُس 1:32

و في المِسا، بَعَد المَغرِب، النّاس جابو ليهو كُل العَيّانين و كُل الفيهُم شياطين.

مَرْقُس 2:3

و ناس جو جايبين ليهو زول مَفلوج، و أربَعَه رُجال يَشيلوهو.

مَرْقُس 2:4

و لَمّا ما قِدِرو يَقَرِّبوهو لِيَسُوع عَلَشان كَترَت النّاس، فَتَحو راس البيت فوق المَحَل الكان فيهو يَسُوع. و لَمّا فَتَحوهو، نَزَّلو البِرِش الكان راقِد فوقو المَفلوج.

مَرْقُس 2:9

ياتو أسهَل؟ بَقول لِلمَفلوج: خَطاياك مَغفورَه ليك؟ ولّا بَقول: قوم، شيل بِرِشَك و أمشي؟

لُوقَا 2:2

و دا أوَّل كِتابَه حَصَلَت لَمّا كِيرِينِيُوس كان حاكِم سُورِيَّه.

لُوقَا 4:14

و رَجَع يَسُوع بِقُدرَة الرّوح لِلجَّليل، و الخَبَر عَنّو مَشى في كُل المَحَلّات الجَّمبو.

لُوقَا 4:38

و قام مِن بيت الرَّب، و دَخَل بيت سِمْعَان. و كانَت أُم مَرَة سِمْعَان عِندَها حُمَّه شَديدَه. و سألوهو فِشانّا.

لُوقَا 5:15

و لَكِن الخَبَر عَنّو طَلَع أكتَر. و جُموع كَتيرَه أجتَمَعو ليهو عَشان يَسمَعو، و عَشانو يَشفيهُم مِن أمراضُم.

لُوقَا 5:24

و لَكِن عَشان تَعرِفو إبن الإنسان عِندو قُدرَه عَلى الأرض أن يَغفِر الخَطايا،“ قال لِلمَفلوج: ”أقول ليك، قوم، و شيل فَرشَتَك، و أمشي لِبيتَك!“

لُوقَا 7:17

و الخَبَر دا مَشى في كُل اليَهُودِيَّه و في كُل البِلاد القَريبَه مِنّو.

يُوحَنَّا 10:21

تانيين قالو: ”دا ما كَلام إنسان عِندو شيطان. الشّيطان يَقدَر يَفتَح عُيون العَميان؟“

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 15:23

و كَتَبو الجَّواب، و رَسَّلَوهو مَعاهُم. و الجَّواب قال: ”مِن الأخوان، الرُّسُل و الشُّيوخ لِلأخوان مِن الأُمَم في أَنْطَاكِيَه و سُورِيَّه و كِيلِيكِيَّا. نَسَلِّم عَليكُم.

أعمال الرُّسُل 15:41

و مَرَّه بِسُورِيَّه و كِيلِيكِيَّا يَشَدِّد الكَنايس.

أعمال الرُّسُل 28:9

و لَمّا دا كان حَصَل، كُل العَيّانين في الجَّزيرَه كانو بِجو و بِقو طَيبين.

أعمال الرُّسُل 8:7

و أرواح نَجِسَه طَلَعو مِن ناس كُتار، و كورَكو كوراك شَديد. و كَتير مِن المَفلوجين و العُرُج لِقو العافيَه.