مَتَّى 28:6 - كِتاب العَهد الجَّديد مِن الكِتاب المُقَدَّس

⁶ هو ما في هِنا، عَشان قام زي ما هو قال. تَعالو، شوفو المَحَل الهو كان راقِد فيهو.

مَتَّى 28:6 Iomraidhean Croise

مَتَّى 12:40

عَشان زي ما كان يونان في بَطن السَّمَك الكَبيرَه تَلاتَة أيام و تلاتَه لِيال، كِدا يَكون إبن الإنسان في جُوَّه الأرض تَلاتَة أيام و تلاتَه لِيال.

مَتَّى 16:21

مِن الوَكِت دا، يَسُوع المَسيح بَدا يَوَرّي تَلاميذو هو لازِم يَمشي لِأُورُشَلِيم و بِتعَب كَتير مِن الشُّيوخ و القُسُس الكُبار و مُعَلِّمين القانون، و بِيَكتُلوهو، و في اليوم التّالِت بِقوم.

مَتَّى 17:23

و هُم بِيَكتُلوهو، و هو بِقوم في اليوم التّالِت.“ و هُم كانو حَزنانين جِدّاً.

مَتَّى 17:9

و وَكِت ما هُم نازِلين مِن الجَّبَل، يَسُوع أمَرُم و قال: ”ما تَكَلِّمو أي واحِد عَن الرّؤيَه، لِغايَة ما إبن الإنسان يَقوم مِن بين المَيِّتين.“

مَتَّى 20:19

و يَسَلِّموهو لِناس الدُّنيا عَشان يَضحَكو عَليهو، و يَجلِدوهو، و يَصلُبوهو. و هو بِقوم في اليوم التّالِت.“

مَتَّى 27:63

و قالو: ”يا سَيِّد، نِتزاكَّر الغَشّاش دا وَكِت ما هو لِسَّع حَي قال: بَعَد تَلاتَة أيام، بَقوم.

مَرْقُس 16:6

و هو قال ليهُم: ”ما تَخافو. إنتو تَطلُبو يَسُوع النّاصِري الكان مَصلوب. هو قام. هو ما هِنا. أهو دا المَحَل الخَتّوهو فيهو.

مَرْقُس 8:31

و هو إبتَدا يَعَلِّمُم أن إبن الإنسان لازِم يِتعَذَب كَتير، و الشُّيوخ، و القُسُس الكُبار، و مُعَلِّمين القانون بِيَرفُضوهو، و يَكتُلوهو. و بَعَد تلاتَه أيام هو بِقوم.

لُوقَا 24:12

و بُطْرُس قام و جَرى لِلقَبر. و دَنقَر و عايَن جُوَّه، و شاف قُماش التّيل بَراهو. و مَشى مِتعَجِّب في نَفسو عَلى الشّي الحَصَل.

لُوقَا 24:23

و لَمّا ما لِقو جِسمو، رَجَعو و قالو: شُفنا رؤيا مَلائكَه القالو هو حَي.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 10:17

و عَلَشان كِدا الأبو بِحِبّني، عَشان أنا بَدّي حَياتي، و باخُدا مَرَّه تانيَه.

يُوحَنَّا 2:19

يَسُوع رَدَّ و قال ليهُم: ”كَسِّرو الهيكَل دا، و أنا أبنيهو في تَلاتَة أيام.“

أعمال الرُّسُل 2:24

لَكِن الله قَوَّمو مِن بين المَيِّتين و فَكَّ ليهو أوجاع الموت، عَلَشان ما كان مُمكِن لِلموت أن يَمسِكو.